«Elordamyzdyń 10 mektebi men 2 mádenıet mekemesine tarıhı tulǵalardyń esimin berý týraly Qazaqstan Respýblıkasy Úkimetiniń 2021 jylǵy 23 qyrkúıektegi № 669 qaýlysy shyqty. Muny mekeme ujymdary, ǵalymdar, zııaly qaýym, jalpy kópshilik kópten kútip júr edi», dep jazdy Nur-Sultan qalasy Tilderdi damytý jáne muraǵat isi basqarmasynyń basshysy Sáken Esirkep.
№ 35 mektep-lıseıge Nəzir Tórequlovtyń;
№ 51 mektep-gımnazııaǵa Mustafa Shoqaıdyń;
№ 53 mektep-lıseıge Baýyrjan Momyshulynyń;
№ 54 mektep-lıseıge Aqseleý Seıdimbektiń;
№ 61 orta mektepke Qanysh Sətbaevtyń;
№ 67 gımnazııaǵa Ilııas Esenberlınniń;
№ 74 mektep-gımnazııaǵa Muqaǵalı Maqatevtyń;
№ 78 mektep-gımnazııaǵa Smaǵul Sədýaqasulynyń;
№ 86 mektep-gımnazııaǵa Muhtar Áýezovtiń;
№ 90 gımnazııaǵa jazýshy Qaıym Muhamedhanovtyń;
Nur-Sultan qalasy ákimdiginiń Memlekettik akademııalyq fılarmonııasyna Erkeǵalı Rahmadıevtiń;
Nur-Sultan qalasy əkimdiginiń Nomad City Hall teatryna Əzirbaıjan Məmbetovtiń esimi berildi.
«Búgin uly jazýshy Muhtar Áýezovtyń týǵan kúni. Sondyqtan búgingi jańalyq áıgili qalamgerdiń 124 jyldyǵyna jaqsy syı boldy dep oılaımyn. Aldymyzda áli biraz mektep pen memlekettik nysanǵa da iri tulǵalarymyzdyń atyn berý josparda bar. Bári óz retimen, qoldanystaǵy zańnamalyq rásimge sáıkes iske asady», dedi Sáken Esirkep.
