Atalǵan basylymnyń tarıhy ǵasyrdan asyp jyǵylady. Bul gazet tek 2016 jyly 620 861 dana tırajben jaryq kórse, qazirgi tańda satylymynyń ózi bir aıda 2 mln-dy quraıdy eken.
Aǵylshyn gazetinde jaryq kórgen jazba men fotosýretter ıesi – Ch.Batzaıaa degen mońǵol azamaty. Ol aǵylshyn tildi basylymǵa bergen suhbatynda: «Sheteldikterdi, ásirese, eýropalyqtardy Mońǵolııanyń ásem tabıǵaty ǵana emes, kóshpeli ómirdiń jumbaq bolmystary men tirshilik salty qyzyqtyrady. Sonyń biri – elimizdiń batys shebinde ómir súrip kele jatqan qazaq halqynyń qazirgi turmysy. Ásirese, bul baýyrlar baıyrǵy kóshpendiler óneri qusbegilikti taza etno bolmysyn buzbaı jaqsy saqtaǵan. О́z basym sońǵy 10 jyl boıy úzbeı qazaq búrkitshileri ómirinen fotosýret túsirip júrmin. Qazirgi tańda «Búrkit» atty birneshe tomǵa tatıtyn fotosýret toptamasyn daıyndap qoıdym», depti.
Rasynda, bul jigit qaqaǵan qysta qar jastanyp, muz tósenip qazaq qusbegilerin túsirip júr. Tipti dúnıe júzine aty shyqqan búrkitshi qyz Aısholpandy álemge tanystyrǵan osy Batzaıaa. Fotosýretshi «Buıyrsa, Nur-Sultan qalasyna baryp, Qobda beti qazaqtarynyń qusbegilik óneri jaıly kórme uıymdastyrsam» deıdi.
