Bilim • 29 Qyrkúıek, 2021

Elimizdiń eń úzdik ustazdary bas qosty

154 ret kórsetildi

Tobyl óńirine Bilim jáne ǵylym mınıstri Ashat Aımaǵambetov jumys saparymen keldi. Mınıstr eń aldymen oblys ákimimen birge Qostanaıdaǵy Ybyraı Altynsarınniń eskertkishine gúl shoqtaryn qoıyp, uly aǵartýshynyń rýhyna taǵzym etti. Qostanaıda bıyl Táýelsizdiktiń 30 jyldyǵymen qatar, Ybyraı Altynsarınniń 180 jyldyǵy da keńinen atalyp ótýde.

«Oqýshyǵa qushtar mektep» jobasy júzege asyrylýda

Vedomstvo basshysy jumys sapary barysynda Mıchýrın aýyldyq mektebine bardy. Bıyl Nur Otan partııasynyń baǵ­dar­la­masy sheńberinde mek­tep­ti mo­dernızasııalaýǵa qosymsha qar­jy bólingen. Ustazdar jańa oqý jyly qaıta oralǵan 45 mınýttyq sabaqtyń qolaıly ekenin aıtty. Ár sabaqtyń bes mınýty byltyr oqý jyly qashyqtan oqy­ǵan balalar túsinbeı qalǵan ta­qy­ryptardy pysyqtaýǵa ketedi. Bas­taýysh synypqa bas suqqan A.Aımaǵambetov balalardan «Mek­­tepke kelip oqyǵan unaı ma?» dep surap edi, oqýshylar «Un­aı­dy! Synypta oqyǵannan artyq eshteme joq!» dep jamyrasa jaýap berdi. Sondaı-aq mektep­tegi beınebaqylaý kamerala­ry men dabyl batyrmalarynyń ju­my­syn tekserdi.

Odan keıin oblystaǵy bilim berý mekemeleriniń, aýdandyq bilim bólimderiniń basshylarymen kezdesip, kolledj dırektorlaryn taǵaıyndaý erejelerine, rotasııalaýǵa, muǵalimderdi ju­mys­­qa qabyldaýǵa, bilim berý sala­synda vertıkaldy basqarý júıesin engizýge qatysty suraq­tar­ǵa jaýap berdi. Jıynda muǵa­limderdi qaıta daıarlaýdyń ma­ńyz­dylyǵy jáne tirek mektepter men olar bekitilgen bilim berý mekemeleriniń ózara baıla­nysynda oryn alyp otyrǵan qıyn­dyqtar jóninde máseleler qoz­ǵalyp, aýyldyq mektepterde jan basyna qarjylandyrýdy engizý qajettiligi týraly aıtyldy. Al kolledj qyzmetkerleri akademııalyq erkindik, kolledjder men joǵary oqý oryndarynyń bilim berý baǵdarlamalaryn sınhrondaý máselelerin kóterdi. Sondaı-aq kolledjden keıin stýdent bilim alý úrdisin joǵary oqý ornynda jalǵastyrǵan kezde onyń kolledjdegi nátıjeleriniń eskerilýi sııaqty máseleler tal­qy­landy.

– Qostanaı oblysynda «Oqýǵa qushtar mektep» jobasy belsendi júzege asyrylyp jatyr, sondaı-aq mektepterge arnaıy kórkem ádebıet satyp alynǵan, mektep kitaphanalarynyń jańǵyrtylyp jatqanyna kóńilim toldy, – dedi A.Aımaǵambetov.

Bilim jáne ǵylym mınıstri Qostanaı poltehnıkalyq kolled­jin­de «Jas maman» jobasy bo­ıynsha jumys istep jatqan zerthanalar men sheberhanalarmen, oqý úderisimen tanysty. Munda stýdenttiń tájirıbelik daǵdyny meńgerýine qolaıly, zamanaýı qurylǵylar ornalasqan, qural-jabdyqtar Fransııa, Germanııa, AQSh, Belarýs jáne Italııadan satyp alynǵan. Kolledj dırek­torynyń aıtýynsha, kásibı bilim beretin bilim ordasynda 1200-den astam stýdent oqıdy. Olardyń arasynda bolashaq elektromehanıkter, elektr montajshylar, naýbaıshylar, kondıterler men astyq óńdeý ónerkásibiniń mamandary bar.

A.Aımaǵambetov A.Baı­tur­­syn­uly atyndaǵy óńirlik ýnıversıteti janynan ashylǵan Sweet baby balabaqshasynda boldy. Osy balabaqshada «Mek­tepke deıingi oqý men tárbıe» baǵdarlamasy boıynsha tájirı­beden ótip jatqan ýnıversıtet stý­dentterimen kezdesip, búgingi tańda JOO-daǵy bilim berý úde­risinde dýaldy oqytýdyń ma­ńyzdy ekenin aıtty.

– Ahmet Baıtursynuly atyn­da­ǵy ýnıversıtet stýdent­terge praktıkalyq bilim berý barysynda durys baǵyt alǵanyn atap ótkim keledi. Ýnıversıtetke kireberiste turǵan tehnıka – «KamAZ» kóligi birden kózge túsedi. О́zderińiz bile­tindeı, Qostanaı oblysynyń ın­dýstrııalyq aımaǵynda eki jańa «KamAZ» zaýyty salynyp jatyr. Búginde joǵary oqý ornynda mashına jasaý ma­mandyǵyn ıgerip jatqan stýdentter tájirıbeden ótip, ári qaraı osy kásiporyndarda jumysqa ornalasýy úshin kelissózder júr­gizilip jatyr. Sonymen qa­tar osy jazda A.Baıtursynuly atyn­daǵy Qostanaı óńirlik ýnıversıtetiniń 30 stýdenti Re­seı­degi «KamAZ» kásipornynda eki aı boıy ón­di­ristik praktıkadan ótti. Bul Qostanaı óńir­lik ýnıversıteti men Qazan fe­deraldyq ýnıversıtetiniń Nabe­rejnye Chelny ınstıtýty ara­syndaǵy memorandýmnyń nátıjesinde múmkin bolyp otyr. Sonymen birge jumys berýshiler joǵary oqý ornyna kelip, dáris oqıdy. Bul tájirıbe belgili bir mamandyq boıynsha tereńdetip oqytý úshin engizilgen. Olardyń arasynda «Agromashholdıng» ónerkásiptik kásipornynyń jáne qus fabrıkalarynyń ókilderi, tamaq ónerkásibiniń óndirýshileri bar, – dedi mınıstr.

 «Úzdik pedagog-2021» baıqaýynyń jeńimpazdary marapattaldy

Tobyl óńirindegi jumys sa­parynyń ekinshi kúni Bilim jáne ǵylym mınıstri Táýelsizdiktiń 30 jyldyǵy men uly aǵartýshy Ybyraı Altynsarınniń 180 jyldyǵyna oraı Qostanaıdaǵy 

«Jastar» saraıynda ótken muǵa­lim­derdiń kásibı merekesine ar­nalǵan saltanatty sharaǵa qa­ty­syp, «Úzdik pedagog-2021» res­­­pýb­lıkalyq baıqaýynyń je­ńim­­pazdaryn marapattady.

– Bıyl onynshy ret ótkizilip otyrǵan baıqaýdyń mán-mańyzy men konkýrs jeńimpazdaryna erekshe toqtala ketkim keledi. О́ıt­keni bıyl muǵalimder mere­kesi el Táýelsizdiginiń 30 jyl­dy­ǵynyń qarsańynda ári ǵalym Ybyraı Altynsarınniń mereıtoıymen tuspa-tus kelip, qasıetti Tobyl-Torǵaı jerinde ótip otyr. Sizderdiń eńbekterińiz eren, kásibı merekelerińizben shyn júrekten quttyqtaımyn! Uly aǵartýshy Y.Altynsarınniń «Men úshin jaqsy muǵalim bárinen de artyq. О́ıtkeni ol – mekteptiń júregi» degen ulaǵatty sózi bar. Shyn máninde, táýelsiz elimizdiń bilikti ustazdary uly aǵartýshy armandaǵan muǵalimniń naǵyz ózi, –
dedi A.Aımaǵambetov.

Saltanatty jıyn barysynda elimizdiń ár óńirinen kelgen «Úzdik pedagog-2021» respýblıkalyq baıqaýynyń 64 jeńimpazy marapattaldy. Olardyń ishinde Qos­ta­naı pedagogıkalyq kol­led­ji­niń shet tilder kafed­ra­synyń arnaıy pánder oqytýshysy Ádiljan Bókenbaev, Qostanaı qalasynyń №6 jalpy bilim be­re­tin mektebiniń bastaýysh synyp muǵalimi Oksana Laýto, Ji­tiq­ara gımnazııasynyń geografııa páni muǵalimi Aınur Nazar­kenova, Arqalyqtaǵy Yby­raı Altynsarın atyndaǵy gım­na­zııa­nyń bıologııa jáne geografııa páni muǵalimi Aleksandr Pek bar. Úzdik ustazdardyń árqaısy 2 mln 900 myń teńgeniń sertıfıkatyna ıe boldy.

– Baıqaý ońaı bolǵan joq. Bizdiń jumysymyz qalalyq jáne oblystyq kezeńniń qorytyndysy boıynsha usynyldy. Bul – meniń ǵana emes qoldaý kórsetken árip­tes­­terimniń, talantty da bilimdi shá­kirt­terimniń jemisi, – deıdi Ar­qa­lyqtaǵy Y.Altynsarın atyn­­daǵy gımnazııanyń muǵalimi Aleksandr Pek.

Saltanatty jıynda Qostanaı oblysynyń 11 muǵalimi «Y.Altyn­sa­rın» jáne «Qazaqstan Res­pýb­lı­ka­synyń bilim berý isiniń qur­metti qyzmetkeri» tós­belgilerin taqty, sondaı-aq pedagogıka salasynda jemisti eńbek etken ardagerler marapattaldy.

Muǵalimderdiń mereıin tasyt­qan sharadan keıin A.Aımaǵam­betov uly aǵartýshy Ybyraı Altynsarınniń 180 jyldyǵyna arnalǵan «Y.Altynsarın jáne aǵartýshylyq taǵylym: tarıhı ózegi, tanymdyq órisi, zamanaýı órnegi» atty halyqaralyq ǵylymı-tájirıbelik konferensııaǵa qa­tysty. Konferensııa barysynda Ybyraıdyń aǵartýshylyq ıdeıalary men elimizdiń bilim berý júıesin qalyptastyrýdaǵy qyzmeti týraly aıtyldy. Sony­men qatar aǵartýshy murasyn zert­teý, qaıta zerdeleý jáne keńi­nen nasıhattaý máseleleri qozǵaldy.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar