Prezıdent • 30 Qyrkúıek, 2021

Prezıdenttiń halyqaralyq yntymaqtastyq jónindegi arnaýly ókili Bratıslavaǵa bardy

32 ret kórsetildi

Qazaqstan Prezıdentiniń halyqaralyq yntymaqtastyq jónindegi arnaýly ókili Erjan Qazyhan Slovakııamen aradaǵy yntymaqtastyqty odan ári nyǵaıtý perspektıvalaryn talqylaý úshin jumys saparymen Bratıslavaǵa bardy, dep jazady Egemen.kz Aqordanyń baspasóz qyzmetine silteme jasap.

Sapar aıasynda Slovakııa Ulttyq Keńesiniń (Parlamentiniń) vıse-tóraǵasy Iýraı Blanarmen jáne Ulttyq Keńesi Halyqaralyq ister jónindegi komıtetiniń tóraǵasy Marıan Kerımen, Syrtqy jáne eýropalyq ister mınıstri Ivan Korchokpen jáne Slovakııa Prezıdenti Keńsesiniń syrtqy baılanystar departamentiniń dırektory Iаna Kobzovamen kezdesti.

Kezdesýlerde eki el arasyndaǵy yntymaqtastyqtyń qazirgi jaǵdaıy men damý perspektıvasy talqylandy. Erjan Qazyhan Qazaqstan Slovakııany Eýropalyq Odaqtaǵy senimdi ári perspektıvti seriktes retinde qarastyratynyn jáne ózara tıimdi qarym-qatynastardy damytýǵa úlken mán beretinin aıtty. Sondaı-aq ol Eýropalyq Odaqpen tıimdi yntymaqtastyqty damytý – Qazaqstannyń syrtqy saıasatynyń strategııalyq basym baǵyty ekenin atap ótti.

Slovakııalyq áriptester Qazaqstannyń COVID-19-ǵa qarsy «QazVac» vaksınasyn ázirleý jáne engizýdegi jetistigin joǵary baǵalady. Taraptar, sonymen qatar, vaksına pasporttaryn ózara taný máselelerin talqylady.

О́tken kezdesýler barysynda Memleket basshysy Qasym-Jomart Toqaevtyń bastamasymen júrgizilip jatqan elimizdegi saıası jańǵyrýdyń mańyzy zor ekeni aıtyldy. Prezıdenttiń arnaýly ókili Qazaqstannyń strategııasy «halyq únine qulaq asatyn memleket» tujyrymdamasyna sáıkes demokratııalyq qundylyqtardy, adam quqyqtary men zań ústemdigin ilgeriletýge baǵyttalǵanyn jetkizdi.

Kezdesýlerde halyqaralyq kún tártibindegi ózekti máseleler, onyń ishinde jahandyq jáne óńirlik qaýipsizdik máseleleri, álemdik qoǵamdastyqtyń Aýǵanstandaǵy jaǵdaıdy turaqtandyrýǵa kúsh jumyldyrýy jan-jaqty talqylandy. Aýǵanstanǵa BUU, EO jáne halyqaralyq qarjy ınstıtýttary tarapynan gýmanıtarlyq kómek kórsetýde odan ári tyǵyz jáne tıimdi halyqaralyq yntymaqtastyqtyń mańyzdylyǵy jáne osy prosesterdegi Qazaqstannyń róli atap ótildi.

Sapar aıasynda Erjan Qazyhan Qazaqstanda bıznes júrgizetin slovak kompanııalarynyń basshylarymen kezdesti. Eki eldiń kásipkerleri mashına jasaý, qorǵanys ónerkásibi, energetıka, jasyl tehnologııalar, ınjınırıng, IT, aýyl sharýashylyǵy, qaldyqtardy qaıta óńdeý, farmasevtıka jáne týrızm salalaryna ózara qyzyǵýshylyq tanytyp otyr. Osy baǵyttaǵy jumystar kelesi otyrysy 2022 jyldyń birinshi toqsanynda Bratıslavada ótedi dep josparlanyp otyrǵan Ekonomıkalyq jáne ǵylymı-tehnıkalyq yntymaqtastyq jónindegi úkimetaralyq komıssııa aıasynda pysyqtalmaq. Qazirdiń ózinde Qazaqstanda Slovakııa bıznesiniń qatysýymen 30-ǵa jýyq kompanııa jumys isteıdi. Taraptar aldaǵy ýaqytta olardyń sany arta túsetinine senim bildirdi.

Sapar barysynda Erjan Qazyhan Finančné Noviny jańalyqtar men taldaý portalynyń bas redaktoryna eksklıýzıvti suhbat berdi. Suhbatta Qazaqstannyń Slovakııamen jáne Eýropalyq Odaq arasyndaǵy yntymaqtastyqty odan ári damytýdyń perspektıvalary, sondaı-aq memleketimizdiń ekonomıkalyq damýynyń negizgi baǵyttary aıtyldy.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar