Kókshetaýda Memleket basshysy Qasym-Jomart Toqaev pen Reseı Prezıdenti Vladımır Pýtınniń qatysýymen eki eldiń XVII О́ńiraralyq yntymaqtastyq forýmy bastaldy.
Is-shara «Ekologııa jáne «jasyl» damý salasyndaǵy yntymaqtastyq» degen taqyrypta uıymdastyrylyp otyr. Eki eldiń Prezıdentteri Qazaqstan men Reseı arasyndaǵy strategııalyq seriktestiktiń basym baǵyttaryn talqylaıdy.
On jetinshe forým 28 qyrkúıekte bastaldy. Pikirtalasqa qatysýshylar transshekaralyq Jaıyq jáne Ertis ózenderi basseınderiniń ekologııalyq problemalaryn, Kaspıı ıtbalyqtary men kıikterdiń popýlıasııasyn saqtaý, klımattyń ózgerýi, orman órtteri jáne basqa da máselelerdi talqylap úlgerdi.
