– Úshinshi aıǵa ketti, jalaqy almadyq. Qyrkúıekte balalardy oqýǵa daıyndaý úshin qaryzdandyq. Nesıemizdiń ósimi ol, ósip barady. Osy máselege quzyrly organdar nege jaýap bermeıdi? Biz toqtaýsyz jumys istep jatyrmyz. Toqsanynshy jyldarǵa ketip qalǵan sııaqtymyz. Depýtattar jýrnalıstiń mártebesin anyqtaýymyz kerek dep jatsa, biz myna jaqta jalaqymyzdy jarytyp tólese dep otyrmyz, – deıdi «Altaınıýs» saıtynyń redaktory Daryn Nursaparov.
«Shyǵys Aqparat» jýrnalısteriniń jalaqydan tarylyp otyrǵany birinshi jyl emes. Belgisiz sebepterge baılanysty, jylda qaıtalanatyn qubylys. Atalǵan aqparat ortalyǵynyń quramynda ǵasyrlyq tarıhy bar «Dıdar» jáne «Rýdnyı Altaı» gazetteri bar. Sonymen qatar úlken baspahana, «Altaınıýs» saıty, SMM bólimi bar. Aıtqandaı, qaramaǵyna birneshe aýdannyń gazet redaksııalary kiredi.
– Eýropanyń tórinde, Londonda «Uly dalanyń altyny» atty kórme ótýde. Al jergilikti jýrnalıster qaıyr tilep júr, – dep renish bildirdi «Dıdar» gazetiniń jýrnalısi Meıramtaı Imanǵalı.
