Álem • 03 Qazan, 2021

Katardaǵy alǵashqy parlament saılaýynyń nátıjeleri belgili boldy

71 ret kórsetildi

Katarda el tarıhynda tuńǵysh ret konsýltatıvtik keńeske - parlament fýnksııalaryn oryndaıtyn Ash-Shýra májilisine saılaý aıaqtaldy, dep jazady Egemen.kz.

Eldiń Ishki ister mınıstrliginiń málimetinshe, 30 keńes múshesin saılaýǵa qatysý 63,5%-dy qurady. Keńestiń taǵy 15 múshesin bıleýshi ​​ámir taǵaıyndaıdy.

Ash-Shýra Májilisi zań shyǵarýshy bılikke ıe bolady jáne jalpy memlekettik saıasat pen bıýdjetti bekitedi, biraq qorǵanys, qaýipsizdik, ekonomıkalyq jáne ınvestısııalyq saıasatty sheshýge quqyly bolmaıdy.

Keńestegi 30 orynǵa 233 kandıdat, onyń ishinde 26 áıel saıysqa tústi, biraq olardyń eshqaısysy jetkilikti daýys jınaı almady.Saılaý kezinde búkil el boıynsha erler men áıelder ár túrli saılaý ýchaskelerinde daýys berdi.

DW málimeti boıynsha, Katarda saıası partııalarǵa tyıym salynǵan jáne buǵan deıin mýnısıpaldy saılaý ótkizilgen. Alaıda 2003 jylǵy referendýmda azamattar konsýltatıvtik assambleıa músheleri úshin jalpyhalyqtyq daýys berýdi kózdeıtin jańa konstıtýsııany qabyldady. Soǵan qaramastan, túrli sebeptermen saılaý keıinge shegerildi. Jaqynda ǵana Katar ámiri sheıh Tamım bın Hamad Al Tanı saılaý týraly zańdy maquldady.

Sońǵy jańalyqtar

Uqsas jańalyqtar