Synaqqa tájirıbe almasý úshin ekinshi ret Belarýs Respýblıkasynyń arnaıy jasaǵynyń mamandary keldi.
Kvalıfıkasııalyq synaqtar jyl saıyn elimizdiń ár túrli klımattyq jaǵdaıynda ótedi jáne eki kezeńnen turady. Osy joly elimizdiń barlyq óńirinen kelgen kúreń beret kııýge úmitker 350 áskerı qyzmetshi kvalıfıkasııalyq synaq tapsyrýǵa ynta tanytsa, olardyń tek 73-i ǵana aqtyq synǵa jiberildi.
Alǵashqy aınalymda úmitkerler arnaıy jabdyqtarmen kedergiler arqyly 25 shaqyrymdy ótip, 13 normatıvti tapsyra júgirdi. Olardyń ishinde sýly aımaqty kesip ótý, praktıkalyq atys júrgizý sekildi synaqtar boldy. Al emtıhannyń sharyqtaý shegi, ıaǵnı, sońǵy kezeńinde úmitkerler úsh kúreń beret ıegerimen toǵyz mınýt kóleminde jekpe-jekke túsýi kerek boldy. Tek osydan múdirmeı ótkender ǵana synaqty sátti oryndap shyqqan bolyp esepteledi.
Bıylǵy synaqtyń qorytyndysy boıynsha 14 jaýynger ǵana márege deıin jetip, kúreń beret ıegeri atandy. Kvalıfıkasııalyq synaqtardyń qorytyndy kezeńi jáne synaqtan ótken jaýyngerlerge «Búrkit» arnaıy maqsattaǵy bólinisiniń sımvolyn saltanatty tapsyrý sharasyna Ulttyq ulan Bas qolbasshylyǵy jáne Belarýs Respýblıkasynyń arnaıy jasaǵynyń ókilderi qatysty.
Aıta keteıik, arnaıy maqsat jaýyngeri úshin kúreń beret – sheberliktiń bıik formasy bolyp tabylady. Oǵan tek úzdikterdiń úzdigi ǵana qol jetkizedi.
