QR Túrkııadaǵy elshiligi, halyqaralyq TÚRKSOI uıymy jáne Kechıoren ákimshiligi aqynnyń qurmetine oraı birneshe shara uıymdastyrdy.
Ankaradaǵy Jambyl kóshesine eskertkish taqtaısha ornatyldy. Endi ankaralyqtar jyr alybynyń ómirbaıanyn taqtaıshaǵa ornatylǵan qr kod arqyly oqı alady.
Sharaǵa Qazaqstannan Qazaqstan jazýshylar odaǵynyń tóraǵasy Ulyqbek Esdáýlet bastaǵan zııaly qaýym ókilderi, Almaty qalasy jáne Almaty oblysynyń ákimshilik ókilderi, jyr alybynyń urpaǵy Saltanat Jambylova jáne óner adamdary arnaıy bardy.
Qatysýshylar Jambyldyń ustazy Súıinbaı Aronulynyń eskertkishine gúl shoǵyn qoıyp, rýhyna taǵzym etti.
175 jyldyqqa arnalǵan shara «Jambyl - túrki dúnıesiniń jyr alyby» atty halyqaralyq konferensııamen jalǵasty. TÚRKSOI uıymy uıytqy bolǵan jıynda qazaq aqynyń túrki álemindegi róli, shyǵarmalary jaıynda áńgime qozǵaldy.
Konferensııa barysynda Jambyl Jabaevtyń túrik tiline aýdarylǵan tańdamaly týyndylar kitabynyń tusaýy kesildi.
