Shýaqqa shomylǵan týyndylar

Oǵan qylqalam shebe­riniń segiz jyldan beri jı­­naǵan 27 úzdik jumysy qoıyldy. Jalpy, avtor shy­­ǵarmashylyǵynda túrki má­denıeti men ulttyq dástúr jáne áıel álemi aıryqsha oryn alady. Son­dyqtan sý­ret­shi kórme taqyrybyn ur­paq jalǵas­ty­ǵyn jebeıtin pe­rishtege arnap, «Umaı besik jyry» dep atapty.

Mádenı sharanyń ashylýynda Elbasy kitaphanasynyń dırektory Baqytjan Temir­bolat kórme ıesiniń shy­ǵar­mashylyǵy grafıka, kes­­­kindeme, ıllıýstrasııa, san­dyq óner sekildi túrli janrdy qamtıtyndyǵyn aıta kelip: «Sýretshi áleminiń qaı­nar kózi – ana taqyryby. Sol sebepti de onyń sýret­te­rinde balalar, áıelder, ta­bıǵat beıneleri basym. Osy kórmedegi kartınalardan Umaı jebeýshisiniń shýaǵyn sezinýge bolady», dese, belgili sýretshi, dızaıner, ıllıýstrator, «Qazaqstannyń 100 jańa esimi» jobasynyń jeńimpazy Áıgerim Káribaeva: «Dınaramen 2005 jyldan beri tanyspyn. Ol – álemge erekshe kózben qaraıtyn sýretshi. Bul sýretterdi ol úıinde sal­dy, sol jerden kórmege ákeldi. Sondyqtan olardy shańyraq shýaǵyna shomylǵan dúnıeler dep aıtýǵa bolady. Onyń eńbekterinen adamı qundylyqtardy kóresiz», dep áriptesiniń ónerin joǵary baǵalady.

Dınara Qadyrova −Al­maty qalasynda ómirge kelip, T.Júrgenov atyndaǵy Qazaq ulttyq óner akademııa­synda bilim alǵan. Onyń birqatar jumysy IýNESKO-nyń jınaqtarynda jarııalanǵan. Daryn­dy stýdent retinde Qazaq­stannyń Tuń­ǵysh Pre­zıdenti – Elbasy Nursultan Nazarbaevpen júzdesken. 2012 jyly jas sýretshi oryndaǵan qalalyq kafeniń dızaın jobasy Time out syılyǵynyń «Jyl ja­ńa­lyǵy» atalymyn ıelengen. Sonymen birge onyń Uly Ji­bek jo­ly qalalaryna ar­­­nalǵan gra­fıkalyq ju­mys­­tarynyń dıp­lomdyq se­­rııasy Tuńǵysh Pre­zı­dent kúnine arnalǵan «As­ta­na-2013 Dızaın apta­lyǵy» fes­­tıvalinde qoıylǵan.