Kásiporyn taratqan málimetterge qaraǵanda, 7-qazan kúni respýblıkanyń basym bóliginde soltústik-batys antısıklonynyń áserinen kún jaýyn-shashynsyz bolady. Tek elimizdiń soltústik-shyǵysynda, shyǵysynda jáne taýly aımaqtarynda qar aralas jańbyr jaýady.
Soltústikte, ortalyqta jáne ońtústik oblystarda jel kúsheıedi, túnde jáne tańerteń tuman túsedi, ońtústik-batysta shańdy daýyl turady. Almaty oblysynyń taýly aýdandarynda tuman túsedi. Alakól kólderi aýmaǵynda jeldiń kúshi 15-20 m/s.
Jambyl oblysynyń taýly aýdandarynda tuman túsedi, ońtústik-batysta, soltústik-shyǵysta jáne taýly aýdandarda jyldamdyǵy sekýndyna 15-20 metrge deıin jel turady, kúndiz ekpini 23-28 m/s bolady.
Aqmola, Pavlodar oblystarynyń shyǵysynda, soltústiginde tuman túsedi. Túrkistan oblysynyń soltústiginde, batysynda jáne taýly aımaqtarynda jel 15-20 m/s jyldamdyqpen soǵady, ekpini 23-28 m/s bolady.
Qyzylorda oblysynyń ortalyǵynda túnde jel sekýndyna 15-20 metrge deıin kúsheıedi, kúndiz 15-20 m/s, oblystyń ortalyǵy men ońtústiginde ekpini 23-28 m/s bolady, oblys ortalyǵynda shańdy daýyl turady.
Kúndiz Mańǵystaý oblysynyń soltústik-batysynda jáne soltústik-shyǵysynda jel sekýndyna 15-20 metrge deıin kúsheıedi. Oblystyń soltústik-shyǵysynda shańdy daýyl turady.
Túnde jáne tańerteń Soltústik Qazaqstan oblysynyń batysynda tuman túsedi, kúndiz soltústikte, oblystyń shyǵysynda jeldiń sekýndyna 15-20 metrge deıin kúsheıedi. Kúndiz Qaraǵandy oblysynyń ońtústiginde jeldiń sekýndyna 15-20 metr jyldamdyqpen uıytqıdy.
