Osy ýaqyt aralyǵynda elimizde 9 myńnan astam tabıǵı jáne tehnogendik sıpattaǵy tótenshe jaǵdaı tirkeldi. TJM bólimsheleri 65 myńnan astam shaqyrtýǵa bardy. 9,5 myń adam qutqaryldy, 10 myń adam evakýasııalandy, 3 myńnan astam adamǵa alǵashqy medısınalyq kómek kórsetildi.
Iýrıı Ilınniń aıtýynsha, mınıstrlik tabıǵı jáne tehnogendik sıpattaǵy tótenshe jaǵdaılardyń aldyn alý máselelerine kóp kóńil bólip keledi. Mınıstrlik eldi mekenderdi, nysandardy jáne jekelegen turǵyndardy sel men sý tasqynynan aldyn ala qorǵaý maqsatynda Almaty qalasy men Almaty oblysynyń Aıýsaı, Aqsaı jáne Qorǵas ózenderindegi tospalar men bógetterdiń qurylystaryn qarjylandyrady.
Kezdesý qorytyndysy boıynsha Memleket basshysy mınıstrlikke tótenshe jaǵdaılardyń sanyn azaıtý, qysqy merzimge daıyndyq jumystaryn júrgizý, qar qursaýyn boldyrmaý, sondaı-aq kóktemgi sý tasqynynyń aldyn alý jóninde birqatar naqty mindet júktedi.
