Ystyq jazdan keıin birden kúz bastalyp ketti. Soltústik aımaqtarda sýyq arktıkalyq massalardyń enýimen aýa temperatýrasy tómendep, +15+22 gradýs aralyǵynda boldy.
Sondaı-aq ótken aı ystyq aýa raıymen de qýantty.
«Sonymen 3 qyrkúıekte Jerorta teńiziniń shyǵys jaǵalaýynan jyly aýa massalaryn shyǵaryp, aýa raıynyń antısıklondyq túrin ornatýmen aýa +25+36 gradýsqa deıin jylyndy. Sodan keıin sýyq jáne jylý tolqyndarynyń aýysýy baıqaldy, tek ońtústik jáne ońtústik-shyǵys aımaqtarda, aýa massalarynyń aımaqtyq tasymaldanýymen, joǵary temperatýralyq fony bar ashyq kúnder basym boldy», dep habarlady «Qazgıdromet».
Qazaqstanda alǵashqy aıaz ádettegiden erte bastaldy. 19-28 qyrkúıek aralyǵyndaǵy aýa raıy qazan aıyndaǵydaı boldy.
«Alǵashqy aıaz batys, soltústik, ortalyq, shyǵys aımaqtarda, sondaı-aq eldiń ońtústik-shyǵysyndaǵy taýly aımaqtarda baıqaldy. Túnde aýa temperatýrasy -2 - 9 gradýsqa deıin tómendedi», dep tolyqtyrdy sınoptıkter.
Sınoptıkterdiń aıtýynsha, bıylǵy qyrkúıekti eń jańbyrly maýsym dep ataýǵa bolady. Mysaly, 28 qyrkúıekte Qostanaı oblysynyń Jeleznodorojnyı meteostansııasy men Tobyl meteostansııasynda 18 mıllımetr jaýyn-shashyn tirkeldi. Al Astanada jaýyn-shashyn mólsheri eki aılyq normadan asady - 54 mıllımetr (normadan 244 paıyz), al bir aıdaǵy norma - 22 mıllımetr.
«Respýblıkanyń soltústik jartysynda aıdyń sońynda Soltústik sıklondar men olarmen baılanysty frontaldy bólimder aýa raıynyń turaqsyz sıpatyn anyqtady, 15-18 mıllımetrge deıin jańbyr jaýyp, jel ekpini sekýndyna 15-28 metrge deıin kúsheıe tústi. Al qyrkúıek aıynyń sońynda túnde jańbyrdyń sońy qarǵa aýysýy baıqaldy», dep tolyqtyrdy sınoptıkter.
