Qaraǵandydaǵy avtosherý sportshylarymyzdy qoldaýǵa arnaldy

Qaraǵandy oblysynda Sochı Olımpıadasyna qatysyp jatqan qazaqstandyq sportshylardy qoldaýǵa arnalǵan avtosherý ótti. Bul týraly «Habar» telearnasy habarlady. Elimizdiń kók baıraǵyn kókke  kótergen 10-nan astam kólik qalanyń ortalyq kóshelerimen júrip ótti. Muz saraıynan bastalǵan sherý «Shahter» stadıonynda aıaqtalyp, estafetany Qaraǵandy qalasynyń  sportshylary qabyldap aldy. Olardyń arasynda qysqy sport Oıyndarynda  úzdik óner kórsetip júrgen sańlaqtarymyz da bar. Barlyǵy  el  abyroıyn arqalaǵan sportshylarymyzdy Olımp shyńynan kórýge tilektestigin bildirdi. Sochı XXII qysqy Olımpıadasyna iriktelingen elimizdiń ulttyq quramasy arasynda Qaraǵandy oblysynan konkıshi Ekaterına Aıdovanyń bar ekenin bilemiz. Ol dúbirli dodaǵa attanar aldynda buqaralyq aqparat quraly ókiline bergen suhbatynda tórt jylda bir ótetin Olımpıadaǵa álsiz sportshynyń qatyspaıtynyn aıtqan-dy... «Biz salaýatty ómir saltyn qoldaımyz. Buqaralyq sportty damytýǵa az da  bolsa óz úlesimizdi qosaıyq degen nıetpen avtosherýge shyqtyq. Basty maqsatymyz - Qazaqstannyń namysyn qorǵaıtyn jerlesterimizge qoldaý bildirý», - deıdi avtosherýge qatysýshy Iýrıı Malchýshkın. Ámirhan Almaǵanbetov. Derekkóz: «Habar» telearnasy. Foto: «Habar» telearnasy.