«Biz úı janýarlaryn qamtıtyn tizim jobasyn jasadyq. Oǵan ıt, mysyq, totyqus, homıak, aq tyshqandar kiredi. Bul úı janýarlary retinde ustalatyn janýarlardyń negizgi, klassıkalyq tizimi», dedi Álııa Shalabekova Ortalyq kommýnıkasııalar qyzmetinde ótken brıfıngte.
Úı janýarlaryn jeý qylmystyq jaýapkershilik júkteıdi. Bul ereje «Janýarlarǵa jaýapkershilikpen qaraý týraly» jańa Zańda bar.
«Janýardyń ólimine ákelgen qatygezdik úshin qylmystyq jaýapkershilik qarastyrylǵan», dedi vıse-mınıstr.
Onyń aıtýynsha, janýardardy ustaý ornynan ıt alyp ketip, keıin onyń etin jegen jaǵdaı bolǵan. Jańa zań boıynsha uıymdar ıttiń qandaı jaǵdaıda ómir súretinin únemi teksere alatyn bolady. Satyp alynǵan nemese syıǵa tartylǵan úı janýarlaryna keletin bolsaq, olardy baqylaý kórshilerge júkteledi.
