О́zbekstan syrtqy ister mınıstrliginiń málimetinshe, Abdýláziz Kamılov Aýǵanstannyń ýaqytsha úkimetindegi syrtqy ister mınıstri mindetin atqarýshy Ámir Han Mottakımen tranzıt, energetıka jáne saýda máselelerin talqylady.
«Talıban» ókilderi О́zbekstan basshylyǵyna Mazarı-Sharıf qalasyndaǵy halyqaralyq áýejaıdy jóndeýge kómekteskeni, ózbek-aýǵan shekarasynyń úzilissiz jumys istep turǵany úshin alǵys aıtqan.
Taraptar jaqynda Termez qalasynda saýda-ekonomıka sıpatyndaǵy máselelerdi, sonyń ishinde «Surqan - Pýlı-Hýmrı» elektr jelisi men «Mazarı-Sharıf – Kabýl – Peshavar» temirjol qurylysynyń jobasyn birlesip talqylaýǵa kelisti, delingen SIM habarlamasynda.
Málimetke qaraǵanda, tálipter osy jobalardy júzege asyrýǵa tartylatyn ózbek mamandarynyń qaýipsizdigin qamtamasyz etýge daıyn.
«Talıban» basshylyǵy «Aýǵanstannan baýyrlas О́zbekstanǵa eshqandaı qaýip joq» dep málimdegen», dep jazady Ortalyq Azııanyń jańalyqtar qyzmeti.
