Foto: shutterstock.com
Beısenbide jergilikti ýaqyt boıynsha 15.30-da jolaýshylar men taýar tıegen keme Nakala portynan Nampýla provınsııasynyń soltústigindegi Memba aýdanyna attanǵan. Keıin keme aýdarylyp, borttaǵy 60-tan astam adam sýǵa ketken. Keıbir málimetter boıynsha, tek 17 adam ǵana jaǵalaýǵa jetip, aman qalǵan.
Memba aýdandyq polısııasynyń qolbasshysy Manýela Parýlanyń aıtýynsha, oqıǵa ornynda medısına qyzmetkerleri, polısııa men jergilikti basshylar bolǵan. Izdestirý-qutqarý toptary zardap shekkenderdiń sanyn anyqtaý úshin izdeý jumystaryn júrgizip jatyr.
«Boljam boıynsha, apatqa aýa raıynyń qolaısyzdyǵy sebep bolǵan», dep jazady VVS.
