Eksportshylarymyzdyń jaǵdaıyn jaqsartady

«Qaınar-AKB» JShS-niń ujymy teńge baǵamynyń tómendeýi jaǵdaıynda utysqa shyǵady. О́ıtkeni, biz ekonomıkanyń shıkizattyq emes sektorynda eksportshy bolyp tabylamyz. JShS óziniń aldyna daıyn ónimdi – Qazaqstanda óndiriletin barlyq qorǵasyndy akkýmýlıator batareıalaryna aınaldyrý týraly mindet qoıdy. Teńge baǵamynyń tómendeýi «Qaınar» úshin ońtaıly jaǵdaı qalyptastyrmaq, sebebi, daıyn ónimniń 70 paıyzdan astamy eksportqa shyǵarylady. S.AJMAǴAMBETOV, bas dırektor.  *  *  * Qazaqstan valıýtasyna engizilgen túzetý ónimderi eksportqa baǵdarlanǵan «Qazaqmys» sekildi iri otandyq óndiristik kompanııalar úshin oń yqpal etetin bolady. Investısııalyq tartymdylyǵy artyp, syndarly ımport almastyrý jáne jańǵyrtý baǵdarlamalaryn júzege asyrý úshin ońtaıly jaǵdaı qalyptasady. Teńge baǵamyn túzetý boıynsha qa­dam­­dar 60 myńnan astam adam jumys isteıtin «Qazaqmys» sııaqty qazaqstandyq óndirisshilerdiń ahýalyna oń áser etetin bolady. «Qazaqmys» basshylyǵy. *  *  * Taý-ken metallýrgııasy salasynda asa iri ká­siporyn bola otyryp, «ArselorMıttal Te­mirtaý» AQ Ulttyq bank júrgizgen AQSh dollaryna qatysty teńge baǵamyn túzetýdi qoldaıdy. Jahandyq qarjy daǵdarysy rynoktaǵy jaǵdaımen tikeleı baılanysty. Sondyqtan teńgeniń jańa aıyrbas baǵamy bizge de, eksportqa baǵdarlanǵan basqa iri óndiristik kompanııalarǵa da oń yqpal etetinine senimdimiz. Ulttyq valıýtanyń túzetilgen aıyrbas baǵamy bizdiń ǵana emes, búkil Qazaqstan eksportshylarynyń básekege qabilettiligin arttyratynyna esh kúmán joq. «ArselorMıttal Temirtaý» AQ ujymy. *  *  * Saryadyr kómir ken orny Reseı Federasııasyna kómir ónimderin eksporttaıtyn, sondaı-aq, turǵyndarǵa kommýnaldyq-turmystyq kómir jetkizýshiler men Qazaqstandaǵy memlekettik jáne kommersııalyq kásiporyndardy kómirmen qamtamasyz etetin iri kásiporynnyń biri bolyp tabylady. Saryadyr ken ornynyń ujymy dollardyń teńgege qatysty jańa baǵamy kómir ónimderine jáne tutastaı alǵanda, kásiporyn ekonomıkasyna oń yqpal etetinine senimdi. Saryadyr kómir kásipornynyń ujymy.  *  *  * «Qazfosfat» JShS – eksportqa baǵ­darlanǵan kásiporyn. Onda 6200 adam jumys isteıdi. Kompanııa tek óńirdegi áleýmettik turaqtylyqty qamtamasyz etetin qala quraýshy kásiporyn ǵana emes, sondaı-aq, oblys bıýdjeti túsiminiń 30 paıyzdan astamyn beretin asa iri salyq tóleýshiniń biri bolyp tabylady. Al Qazaqstan ulttyq valıýtasy baǵamynyń tómendeýi bizdiń «Qazfosfat» sekildi eksportqa baǵ­darlanǵan kásiporyn úshin óte tıimdi bolmaq. О́ıt­keni, básekege qabilettiligimiz artady. Bul óz kezeginde damýǵa jańa serpin qosady. So­ny­­men qatar, kompanııanyń turyp qalǵan zaýyt­­tarynyń jumysyn qaıta jandandyrýǵa, va­­lıýta-qarjylyq júktemesine qysymnyń tó­men­deýine múmkindik beredi. Sóıtip, qarjy-sha­rýa­shylyq qyzmetimizde turaqtylyqqa qol jetkizilmek. «Qazfosfat» JShS basshylyǵy.     Teńge baǵamyna túzetýler engizilýi nátıjesinde qazaqstandyq kompanııalar Qazaqstan aýmaǵyndaǵy Reseı jáne Qytaı kompanııalarynyń agressıvti dempıngtik saıasatymen naryqtyq kúreste aıtarlyqtaı rezervter alady. Bul Qazaqstannyń Dúnıejúzilik saýda uıymyna kirýine optımıstik turǵydan qaraýyna da múmkindik beredi. О́ıtkeni, qazaqstandyq kompanııalar burynǵyǵa qaraǵanda anaǵurlym básekege qabiletti bola túsedi. Edýard L.KRAIMER, KSP Steel kompanııasynyń bas dırektory.    *  *  * Qazaqstan ulttyq valıýtasy baǵamyn tómendetý Qazaqstan ekonomıkasyn álemdik daǵdarystan qorǵaıtyn jáne otandyq óndirýshilerdiń ekonomıkalyq ósimge qol jetkizýin qoldaıtyn shara bolyp tabylady. Máselen, Reseı banki de mundaı qadamǵa birneshe márte bardy. Endi «Kazsınkti» qosa alǵanda, qazaqstandyq kóptegen kásiporyndardyń básekege qabilettiligi artady dep paıymdaımyz. Sonymen qatar, ımport kólemi azaısa, bul ımport almastyrý saıasatyn júrgizýge múmkindik beredi. Munyń el bıýdjeti úshin de tıimdilik ákeletini sózsiz. Osy qatarda bizdiń kompanııaǵa da óziniń qyzmetkerleri men áriptesteri, memleket aldyndaǵy mindettemelerin tolyq oryndaýǵa, kompanııanyń bolashaǵy tikeleı baılanysy barlyq ınvestısııalyq jobalardy júzege asyrýǵa jaǵdaı týǵyzady. Bul sharanyń basty artyqshylyǵy, bizdiń pikirimizshe, memlekettiń altyn-valıýta rezervin saqtaý bolyp tabylady. Al altyn-valıýta qory – el turaqtylyǵy men onyń odan ári ornyqty damýynyń kepili. «Kazsınk» JShS-niń ujymy.     *  *  * Et pen sút ónimderin óndiretin Qazaqstandaǵy asa iri kompanııalardyń biri – «Rýbıkom» JShS-niń ujymy teńge baǵamynyń AQSh dollaryna qatysty túzetilýi otandyq taýar óndirýshilerdiń básekege qabilettiligin jaqsartýy tıis dep esepteıdi. Munyń eksportshylarmen qatar, ımport almastyrýshy ónim óndiretinderge de tikeleı qatysy bar. «Bul bizdiń naq Keden odaǵy sheńberinde, onyń ishinde Reseı rynogynda  ózimizdiń shebimizdi kúsheıtýge múmkindik beredi dep esepteımiz, – deıdi kásiporyn dırektory Irına Týrygına. – Árıne, ázirshe bizge naqty sandar týraly aıtý qıyn, alaıda men Ulttyq banktiń sheshiminen keıin bizdiń eksporttyń kólemi kem degende 10 paıyzǵa artady dep otyrmyz. Sebebi, ózimizdi reseılik básekelesterimizge qatysty senimdirek sezinetin bolamyz». Buǵan qosa, kásiporyn basshysy qazirgi dúnıede Qazaqstan ekonomıkasy syrtqy rynoktarǵa, onyń ishinde Reseı de bar, óte táýeldi ekenin atap kórsetti. Osy turǵydan alǵanda, Ulttyq banktiń is-áreketi túsinistikpen qabyldaýǵa ábden turarlyq qadam. Ekaterına BESKORSKAIа. PAVLODAR.