Bul týraly «Dıapazon» basylymy málim etti.
Joǵarǵy sot qylmystyq isti zerttep shyqqan soń birinshi satydaǵy sot ony aıyptaý úkimimen júrgizip, aıyptalýshynyń quqyǵyn buzǵanyn anyqtap, ony Aqtóbe oblystyq sotynyń apellıasııalyq alqasyna jańadan qaraýǵa jiberdi. Nátıjesinde sottalýshynyń áreketinde qylmystyq istiń bolmaǵany anyqtalyp, qarama-qarsy sheshim shyǵaryldy.
Aqtalyp shyqqan Bardak K. sot arqyly memleketten oǵan moraldyq jáne materıaldyq zalaldy óteýdi talap etti. Uzaq ýaqyt boıy ol basshylyq laýazymdarda jumys istedi, kommersııalyq qyzmetpen aınalysty, úsh balany tárbıelep ósirdi, úlgili otbasy boldy, biraq onyń bedeline nuqsan kelip, jasamaǵan qylmysy úshin aıyptaldy.
Sonymen qatar, bas bostandyǵynan aıyrylǵandyqtan, aǵasynyń jerleý rásimine de qatysa alǵan joq. Osyndaı qıyndyqtardan ótkeni úshin ol 90 mln teńge ótemaqy talap etti. Sondaı-aq ol ózin qorǵaý úshin advokattarǵa 3,5 mıllıon teńge jumsaǵan. Bul somany da óteýdi talap etti.
«Sot onyń talaptaryn ishinara qanaǵattandyrdy. Onyń kórgen qıyndyqtaryn 20 mln teńgege baǵalady. Al Qarjy mınıstrligin jazyqsyz sottalǵan azamatqa 28 mln teńge tóleýdi mindettedi, bul somaǵa moraldyq zalal, zańdyq shyǵyndar jáne tabysy úshin ótemaqy kiredi. Árıne, bul mıllıondardyń barlyǵy salyq tóleýshilerdiń qarajatynan tólenedi. Iаǵnı, sot sheshimi men prokýrorlardyń qateligi úshin halyq óz qarajatynan tóleıtin bolady», dep jazady «Dıapazon» basylymy.
