Ákimdikte ken orny Imantaý-Shalqar kýrorttyq aımaǵyna kirmeıtini aıtyldy. Ýchaske aýmaǵynda úsh myń tekshe metr aǵash ósedi, sonyń ishinde qaıyń kóp ósedi. Oblys turǵyndary jylý úshin jyl saıyn 350 myń tekshe metrge jýyq orman otaıdy. Oblysta jyl saıyn 1000 gektarǵa jýyq orman ósiriledi.
«Orman alqaptaryn berýde orman sharýashylyǵy óndirisi shyǵynyn óteý úshin bıýdjetke tólenetin tólemderden basqa, Tin One Mining kompanııasy berilgen ýchaskeniń eki eselengen aýmaǵyna, ıaǵnı 97 gektarǵa orman daqyldaryn egý mindetin aldy», dep habarlady ákimdikte.
SQO ákimdigi baspasóz qyzmeti bul jobanyń soltústik aımaq pen jalpy el úshin mańyzdy ekenine toqtaldy. Ken ornynyń jyldyq ónimdiligi 2,5 mıllıon tonna ken bolady. Bul Qazaqstannyń qalaıy óndiretin álemdegi iri óndirýshilerdiń biri bolýyna múmkindik beredi. Damýǵa bólinetin jeke ınvestısııalar kólemi 130 mıllıard teńgeden astam aqshaǵa josparlanǵan.
Jergilikti turǵyndardyń qatysýymen 600 jumys orny ashylýy tıis. Jyl saıyn josparlanǵan salyq tólemderi bes mıllıard teńge bolady, ol oblystyń áleýmettik-ekonomıkalyq damýyna jumsalady.
