Kezdesýde Qazaqstan Respýblıkasy Úkimeti men BUU DB yntymaqtastyǵynyń basym baǵyttary talqylandy.
Kezdesý barysynda Premer-Mınıstrdiń orynbasary E. Toǵjanov áleýmettik baǵyttyń, onyń ishinde densaýlyq saqtaý, bilim berý jáne áleýmettik qamtamasyz etý salalary boıynsha ózara yntymaqtastyqtyń mańyzdylyǵyn atap ótti.
Pandemııa kezinde júrgizilip jatqan birlesken jumysqa erekshe nazar aýdaryldy. BUU qoldaýynyń arqasynda zamanýı medısınalyq qurylǵylarmen jabdyqtalǵan B sanatyndaǵy 5 jedel járdem mashınasy satyp alyndy. COVID-19 vırýsynyń taralý qaýpine shuǵyl den qoıý jobasy sheńberinde Qazaqstan tarapyna 190 myń medısınalyq jıyntyq (jeke dári qobdıshalary) berildi. Spolıarıch Egger hanym Qazaqstan Úkimetimen damýdyń keń spektrindegi, sonyń ishinde BUU-nyń ornyqty damý maqsattaryna qol jetkizý boıynsha qabyldanyp jatqan sharalar boıynsha ózara tyǵyz is-qımyldy atap ótti. Ol Áleýmettik kodeks jobasyn ázirleý, Qazaqstannyń sıfrlyq transformasııa, tabıǵatty qorǵaý qyzmetin basqarý salasyndaǵy kúsh-jigeri, jasyl ekonomıkaǵa kóshýge umtylysy boıynsha júrgizilip jatqan jumystaryn joǵary baǵalady.
Taraptar yntymaqtastyqty odan ári kúsheıtýdiń mańyzdylyǵyn jáne BUU DB-men ulttyq jáne jergilikti deńgeılerde el damýynyń basym baǵyttary boıynsha jumysty jalǵastyrý nıetin atap ótti. Egger hanymnyń aıtýynsha, BUU DB Qazaqstandaǵy negizgi transformasııalyq úderisterdi qoldaýdy jalǵastyrady. Is-sharaǵa sheteldik taraptan Iа. Berısh – Qazaqstandaǵy BUU Damý baǵdarlamasynyń turaqty ókili, V. Vremısh – Qazaqstandaǵy BUU Damý baǵdarlamasynyń turaqty ókiliniń orynbasary qatysty.
