Ekinshi iske qosý kesheni aralyq tonnelderden jáne qazirgi kezde árleý jumystary júrip jatqan «Saryarqa» jáne «B. Momyshuly» eki beketinen turady. Metropolıtenniń birinshi jelisiniń ekinshi kesheni ýchaskesiniń trassasy Abaı dańǵylynyń astynda, Altynsarın dańǵylynan Iаssaýı kóshesine deıin batys baǵytta ornalasqan. Qurylys uzyndyǵy eki joldy baǵytta 3,08 shaqyrym.
Ekinshi iske qosý kesheniniń jalpy daıyndyǵy 91%. Búginde temir-beton konstrýksııalarynyń qurylysy, aralyq tonnelderdi qazý aıaqtaldy, sáýlet-árleý jumystary, joldyń joǵarǵy qurylysy aıaqtalyp qaldy. Qalǵan jumystarǵa ınjenerlik jelilerdi tóseý jáne jabdyqty iske qosý kiredi.
Búginde ortasha táýliktik jolaýshylar aǵyny 30 myń adam. Mamandardyń esepteýi kórsetkendeı, ekinshi iske qosý kesheni paıdalanýǵa berilgen soń ortasha táýliktik jolaýshylar aǵyny shamamen 86 myń adamǵa jetetin bolady. Bul Abaı dańǵylyndaǵy kólik qozǵalysyn edáýir jeńildetýge jáne myńdaǵan qala turǵyndary men qonaqtarynyń mobıldiligin arttyrýǵa múmkindik beredi.
«Saryarqa» beketi – tereń tósemdi, pılon tıpti. Vestıbıýlden, eki kirý tobynan turady. 2 Lıft, 8 eskalator ornatyldy. Ol «Femılı» saıabaǵynyń janyna, №3-8, 12 shaǵyn aýdandar bar, ıaǵnı qalanyń eń tyǵyz eldi mekenderiniń birinde ornalasqan.
«B. Momyshuly» beketi – usaq qalanǵan, kolonna tıpti. Eki jerasty vestıbıýlinen, alty kirý tobynan turady. 6 lıft, 15 eskalator qarastyrylǵan. Abaı dańǵylynyń júris bóliginiń astynda, Momyshuly kóshesiniń batysynda ornalasqan. Beket Jetisý, Jetisý-2, Jetisý-4, Mamyr, Mamyr-5, Mamyr-7 shaǵyn aýdandaryn qamtıdy.
Qala ákimi Baqytjan Saǵyntaev jyl sońyna deıin stansalardyń tehnıkalyq iske qosylýyn qamtamasyz etý úshin qurylys-árleý jumystaryn joǵary qarqynmen júrgizýdi tapsyrdy. Metropolıtenniń birinshi jelisiniń ekinshi kezeginiń úshinshi iske qosý kesheni ýchaskesiniń trassasy qurylysy júrip jatqan Abaı dańǵylynyń astynda, Iаssaýı kóshesinen Áshimov kóshesine deıin batys baǵytta ornalasqan. Uzyndyǵy 2,5 shaqyrym qos joldy baǵyttaǵy aralyq tonnelderden jáne usaq tóselgen «Qalqaman» beketinen turady.
Qurylysty kelesi jyldyń sońyna deıin aıaqtaý josparda. Eseptik jolaýshylar aǵyny kúnine shamamen 93 myń adam bolady.
