Saıasat • 18 Qazan, 2021

Aǵa býynnyń alǵa qoıǵan maqsaty kóp

497 ret kórsetildi

Jýyrda respýblıkalyq «Ardagerler uıymy» qoǵamdyq birlestiginiń kezekti VIII sezi eldegi epıdemııalyq jaǵdaıǵa baılanysty onlaın rejimde ótti.

Sezge Premer-Mınıstrdiń orynbasary Eraly Toǵjanov, Eńbek jáne halyqty áleýmettik qorǵaý mınıstri Serik Shápkenov, «Samuryq-Qazyna» AQ qoǵammen jáne Úkimetpen baılanys jónindegi basqarýshy dırektory Marat Áıtenov, memlekettik organ basshylary men qoǵamdyq uıymdardyń, buqaralyq aqparat quraldarynyń ókilderi qatysty.

Sez jumysynda Memleket basshysy Qasym-Jomart Toqaevtyń quttyqtaý hatyn Premer-Mınıstrdiń orynbasary Eraly Toǵjanov oqydy. «Ardaqty ardagerler! Qurmetti qaýym! Sizderdi respýblıkalyq «Ardagerler uıymynyń» VIII seziniń ashylýymen quttyqtaımyn. Eki mıllıonnan astam múshesi bar bul qurylym – Qazaqstandaǵy iri qoǵamdyq birlestiktiń biri. Eń aldymen, barshańyzǵa elimizdi órkendetýge qosqan ólsheýsiz úlesterińiz úshin shynaıy rızashylyǵymdy bildiremin! Búgingi beıbit ári berekeli ómirimiz – aǵa býynnyń qajyrly eńbeginiń jemisi. Sizder ótken ǵasyrdaǵy zor qıyndyqtar men aýyr synaqtardy eńserip, jarqyn bolashaǵymyzǵa jol ashtyńyzdar. Táýelsizdik kezeńinde jańa Qazaqstandy qurý jolynda jumyla jumys atqardyńyzdar. Memleket ózderińizdi jan-jaqty qoldaýǵa basa mán beredi. Byltyr qabyldanǵan «Ardagerler týraly» zań – osynyń aıqyn kórinisi. Qazaqta «úlkenge – qurmet, kishige – izet» degen ulaǵatty sóz bar. Jastar aǵa býyndy árdaıym qadir tutady, úlgi-ónege alady. Sizder urpaqqa tálim-tárbıe berip, otanshyldyq pen eńbekqorlyqqa baýlyp kelesizder. Ardagerlerimiz bolashaqta da ómirlik tájirıbesin eldiń ıgiligine jumsap, memleketimizdi nyǵaıtýǵa atsalysa beredi dep senemin! Barshańyzǵa zor densaýlyq, baq-bereke tileımin! Sezd jumysy tabysty bolsyn», delingen el Prezıdentiniń quttyqtaý hatynda.

ch

E.Toǵjanov ardagerlerdi sez ju­mysynyń ashylýymen quttyqtap, Elbasy Nursultan Nazarbaevtyń bastamasymen qurylǵan respýblıkalyq «Ardagerler uıymynyń» qyzmeti búginde el Prezıdenti Qasym-Jomart Toqaevtyń erekshe nazarynda ekenin jetkizdi. Memleket basshysy qol qoıǵan «Ardagerler týraly» zańda «Ardagerler uıymynyń» aýqymy keńeıtildi. Basqa memleketter aýmaǵynda urys qımyldaryna qatysqandarǵa jeńildikter men kepildikter Uly Otan soǵysyna qatysýshylarǵa teńestirildi. Sondaı-aq eńbek ardagerleriniń mártebesi aıqyndaldy. Jyl saıyn zeınetaqy jáne ózge de áleýmettik tólemaqy kólemi artyp keledi. Ortasha zeınetaqy mólsheri 100 myń teńgeni quraıdy. Buǵan qosa Uly Otan soǵysyna, basqa urys qımyldaryna, Chernobyl apatynyń saldaryn joıýǵa qatysqan barlyǵy 145 myń ardagerge, tyl eńbekkerine zeınetaqyǵa qosymsha birqatar áleýmettik jeńildik qarastyryldy. Bıyl jergilikti bıýdjet esebinen 10 myńnan asa adamǵa materıaldyq kómek kórsetildi. Elbasynyń bastamasymen Jeńis kúni qarsańynda Uly Otan soǵysyndaǵy Jeńiske úles qosqan azamattarǵa jyl sa­ıyn bir rettik materıaldyq kómek kórsetý de dástúrge aınaldy. Bıyl Táýelsizdiktiń 30 jyldyǵy qarsańynda elimizdegi 114 myń ardagerge 6,4 mlrd teńge kóleminde materıaldyq kómek kórsetildi. Sonymen qatar elimizde eńbek adamyna qurmet kórsetý maqsatynda nátıjeli eńbek etken qyzmetkerlerdi «Eńbek ardageri» medalimen nagradtaý dástúri qalyptasty.

– San túrli ómir belesinen ótken ardagerlerimizdi ulyqtaý, qurmetteý – memlekettiń mańyzy baǵyty. Bul rette respýblıkalyq «Ardagerler uıymynyń» orny erekshe. Sizderdiń uıymdaryńyz elimizdegi eń iri ári bedeldi birlestikterdiń biri. Uıymnyń 200-den asa fılıaly men 10 myńnan asa bastaýysh uıymdary bar. Uıym – memlekettik saıasatty júzege asy­rýda, elimizdegi turaqtylyqty saqtaýda, áleýmettik máselelerdi sheshýde mem­lekettik organdardyń turaqty áriptesi. Respýblıkalyq uıymnyń ókilderi óńirlerde óskeleń jas urpaqty patrıot­tyq jáne adamgershilik turǵyda tárbıeleý isine de baǵa jetpes úles qosyp keledi. Úkimet respýblıkalyq «Ardagerler uıymymen» ardagerler múddesin qorǵaý, áleýmettik saıasatty tıimdi iske asyrý baǵytynda keń kólemdi úndestikti jalǵastyrýǵa daıyn, – dedi E.Toǵjanov.

Sezd barysynda onyń jumysshy organdary sanalatyn tóralqa, hatshylyq jáne redaksııalyq alqa, mandat, esep berý komıssııalary saılandy. Kún tártibinde kóteriletin máseleler bekitilip, sezdiń jumys reglamenti aıqyndaldy.

Ortalyq keńes tóraǵasy Baqtyqoja Izmuhambetov óz sózinde Ortalyq keńestiń jumysy jáne ardagerler qozǵalysyn odan ári nyǵaıtý men damytý jónindegi mindetter týraly baıandady. Onyń aıtýynsha, álemdi jaılaǵan pandemııa elimizdi de aınalyp ótken joq. Búkil álem kúrdeli ári mańyzdy kezeńdi bastan ótkizip otyr. Memleket basshysynyń tapsyrmasymen elimizde barlyq kópshilik sharaǵa
tyıym salyndy. Bunyń barlyǵy halyqtyń densaýlyǵy men qaýipsizdigi úshin asa mańyzdy. Eń bastysy, epıdemııaǵa qarsy kúres kezinde indetten saqtanýda biraz tájirıbe jınaqtap, qashyqtan jumys isteý tásiline kóship, ardagerler uıymynyń jumysy da jańa formatqa beıimdeldi. Barlyq óńirde ardagerler uıymynyń konferensııalary ótti. Ardagerler uıymy qyzmetteriniń negizgi baǵyttary belgilenip, Ortalyq keńeske biraz usynystar tústi. Oblystyq keńes músheleri jańartylyp saılandy.

– Táýelsizdik jyldary elimizde ardagerlerdi áleýmettik qorǵaý máselesi kún tártibinen túsken emes. Búginde ardagerlerimiz zeınetaqy tólemderinen bólek, túrli áleýmettik qoldaý sharalarymen qamtylǵan. Sonyń bir dáleli retinde memleket barlyq áleýmettik mindettemeni tolyq oryndap keledi. Zeınetaqylar, járdemaqylar ýaqtyly tólenip otyr. Bul sharalardyń barlyǵy Elbasynyń, Memleket basshysynyń qoldaýymen iske asyrylyp keledi. Osylaısha, búginde respýblıkalyq bıýdjetten bólinetin áleýmettik kómekterdiń jalpy somasy 3,7 trln teńgeni quraıdy, – dedi Eńbek jáne halyqty áleýmettik qorǵaý mınıstri S.Shápkenov.

Onyń aıtýynsha, bıyl 1 qańtardan bastap zeınetaqylar men járdemaqylar ındekstelip, yntymaqty zeınetaqy – 7%-ǵa, bazalyq zeınetaqylar men memlekettik járdemaqylar 5%-ǵa ul­ǵaıdy. Árıne, óz sheshimin kútip otyrǵan máse­leler de bar. Aldaǵy ýaqytta mun­daı máseleler zańnamany jetilderý ju­mys­tary barysynda qaralyp, tıisti sheshimin tabady.

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar