Qazaqstan • 18 Qazan, 2021

Dızel otynyna qatysty jaǵdaı qaıtalanbaýy kerek - Energetıka mınıstri

98 ret kórsetildi

Energetıka mınıstri Maǵzum Myrzaǵalıev Atyraý munaı óńdeý zaýytynda dızel otynymen qamtamasyz etý máseleleri boıynsha keńes ótkizdi, dep habarlaıdy Egemen.kz.

Aıta ketý kerek, tamyz-qyrkúıek aılarynda Qazaqstanda dızel otynyn tutynýdyń qalypty ósýi tirkeldi.

«Búgingi tańda jaǵdaı qolmen basqarý rejımine kóshti. Energetıka mınıstrligi bizdiń aldymyzǵa naryqty tez arada turaqtandyrý jáne sapaly otynmen qamtamasyz etý mindetin qoıdy. Kún saıyn Shymkent zaýytynda shamamen 5,5 myń tonna dızel otyny, Atyraýda – shamamen 4,4 myń tonna óndiriledi», dep habarlady «QazMunaıGaz» UK AQ Basqarma tóraǵasynyń orynbasary Danııar Tıesov.

14 kún ishinde eki zaýyt 133 myń tonna dızel otynyn óndirdi, bul josparly kórsetkishterden 4 myń tonnaǵa artyq.

Osy jyldyń 9 aıynda úsh MО́Z-de 3,7 mln tonna dızel otyny óndirildi.

Budan basqa, munaı ónimderi naryǵyndaǵy aǵymdaǵy jaǵdaıǵa baılanysty Atyraý MО́Z-in jóndeý merzimin kelesi jylǵa aýystyrý týraly sheshim qabyldanǵany belgili boldy.

О́z kezeginde Energetıka mınıstri munaı óńdeý kompanııalarynyń basshylarynan kásiporyndardyń úzdiksiz jumysyn qamtamasyz etýdi talap etti.

«MО́Z basshylyǵy men ujymynyń birinshi kezektegi mindeti - zaýyttyń senimdi jáne turaqty jumys isteýi. Zaýyttyń isten shyǵýynyń ártúrli sebepterin ataýǵa bolady. Biraq elimiz otyn qorynsyz qalǵan osyndaı jaǵdaı qaıtalanbaýy tıis», dedi Myrzaǵalıev.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar