ANTIKOR • 20 Qazan, 2021

SQO-da memlekettiń 420 mln teńgesin jymqyrǵan 8 sheneýnik sottaldy

40 ret kórsetildi

Soltústik Qazaqstan oblysynda bıyl sybaılas jemqorlyqqa qarsy qyzmet 74 qylmysty tirkese, sonyń 66-sy - sybaılas jemqorlyq faktileri, dep habarlaıdy Egemen.kz.

SQO sybaılas jemqorlyqqa qarsy qyzmeti 9 aıdyń qorytyndysy boıynsha brıfıng ótkizdi. QR sybaılas jemqorlyqqa qarsy is-qımyl agenttiginiń SQO boıynsha departament basshysynyń birinshi orynbasary Nurlan Jahınniń aıtýynsha, bıyl memlekettik organdardyń 8 basshysynyń aram isi áshkere boldy.

Onyń ekeýi - oblystyq, qalǵany - qalalyq-aýdandyq deńgeıdegi laýazymdy tulǵalar. Eks-sheneýnikter memleketke 420 mln teńge shamasynda shyǵyn keltirgen, sonyń 415,7 mln teńgesin óteldi.

«Bıyl sybaılas jemqorlyqqa barǵany úshin 18 adam sottaldy. Onyń beseýi bas bostandyǵynan aıyryldy, bireýiniń bas bostandyǵy shekteldi, qalǵandary aıyppul tóledi. Sottalǵandardyń biri – SQO ákimi apparatynyń sharýashylyq basqarmasynyń basshysy Jumabaev. Ol 7 jylǵa bas bostandyǵynan aıyryldy, al onyń orynbasary 3 jyl 6 aıǵa sottaldy. Jumabaev pen Saǵdeev jylý júıesin jóndeý boıynsha memlekettik satyp alýdyń jalǵan sharttaryn jasaý jolymen 5 mln. teńge somasynda bıýdjet qarajatyn jymqyrdy dep kúdikteldi. Sondaı-aq Jumabaev 3 kásipkerlik sýbektisinen memlekettik satyp alý sharttaryn kedergisiz jasaǵany úshin 1 mln teńge para alǵan», deıdi Nurlan Jahın.

Qol astyndaǵy qyzmetkerleri sybaılas jemqorlyqqa jol bergeni úshin 33 laýazymdy tulǵa tártiptik jaýapkershilikke tartyldy. Sonyń ishinde 4-ýi – eskertý, 7-ýi – sógis, 10-y – qatań sógis, 4-ýi - qyzmetke tolyq sáıkes emestigi týraly eskertý aldy, 2-ýiniń laýazymy tómendetilse, 4-ýi jumystan bosatyldy.

«Sybaılas jemqorlyqqa qarsy kúreste jumystyń pármendi tetikteriniń biri - sybaılas jemqorlyq jaıynda habarlaǵandardy kótermeleý. Qazaqstanda azamattardy kótermeleýdiń jańa saralanǵan júıesi engizildi. Buryn bul qylmys sanatyna baılanysty júzege asyrylǵan. Qazirgi ýaqytta sybaılas jemqorlyq týraly habarlaǵan adam para nemese zalal somasyna qaraı osy somanyń 10 %-na ıe bolady. Bul rette eń joǵary syıaqy 4 000 AEK mólsherinde, ıaǵnı 11,6 mln teńgeni quraýy múmkin. Osylaısha, departament sybaılas jemqorlyq faktileri týraly habarlaǵany úshin 5 adamǵa jalpy somasy 1 020 950 teńge syıaqy tóledi», deıdi Nurlan Jahın.

Sońǵy jańalyqtar

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar