О́ner • 20 Qazan, 2021

Elorda – órken jaıǵan óner tóri

78 ret kórsetildi

Kóziqaraqty kórermenniń talǵamyn tarazylap, rýhanı kókjıegin keńeıtetin birden-bir óner ordasy – teatr. Alaıda «jaman tumaý» jaǵadan alǵan sátten beri jalǵyz teatr ǵana emes, kóptegen kópshilik orynnyń esigi tars jabylǵan edi.

Indetti el bolyp eńserip, ujymdyq ımmýnıtet qalyptasa bastaǵan soń ónerge degen óshpes yntyzarymyz da qaıta oıana bastady. Máselen, elordada Táýelsizdiktiń 30 jyldyǵyna oraı Nur-Sultan qalasy ákimdiginiń uıytqy bolýymen 28 qazan men 1 qarasha aralyǵynda TEATR ALL Nur-Sultan theatre week atty teatr festıvali qanat jaıady.

El egemendiginiń 30 jyly ishinde el­ordanyń mádenı ómiri aýyz toltyryp aıtarlyqtaı ózgerdi. Osy jyldar ara­ly­ǵynda bas qalada 10-nan astam teatr ashyldy. Bul qadam eń aldymen jastardyń jan sulýlyǵyn qalyptastyryp, onsyz da dúbirge toly dúnıede bir sátke bolsyn qala turǵyndarynyń oı-órisin órge súı­reýge arnalǵany anyq.

Sonymen TEATR ALL Nur-Sultan theatre week dep atalǵan teatr festıvali ne festıval? Oǵan qandaı ujymdar qatysady? Qoıylymdar qashan, qaıda qoıylady? Ony da aıtaıyq. Bilýimizshe, atalǵan teatr aptalyǵynda elordanyń jáne sheteldiń 11 ujymy óner kórsetedi. Bes kúnde bas qalanyń turǵyndary bas-aıaǵy 20-dan astam qoıylymdy tamashalaıdy. Máselen, kórermen «Astana Opera» teatry men Q.Qýanyshbaev atyn­daǵy Memlekettik akademııalyq qazaq mýzykalyq drama teatrynyń úkilegen úzdik qoıylymdaryn kórip, kózaıym bola alady. Sondaı-aq Á.Mámbetov atyn­­daǵy memlekettik drama jáne kome­dııa teatry, M.Gorkıı atyndaǵy mem­lekettik akademııalyq orys drama teatry, memlekettik «Qýyrshaq» teatry, jas kó­rermenderdiń mýzykalyq teatry, «Jas­tar», «NAZ», Astana Musical teatry da óz ónerlerin ortaǵa saldy.

Festıvaldyń qurmetti qonaqtary retinde elordaǵa Reseıdiń birneshe óner ujymy da at basyn burady. Olardyń qa­tarynda S.Obrazsov atyndaǵy memle­kettik akademııalyq ortalyq qýyrshaq teatry men Kishi Bronnaıadaǵy Máskeý drama teatrynyń shyǵarmashylyq ujymda­ry bar. Kórermender teatrǵa tek Ashyq qosymshasy arqyly kire alady. Sondaı-aq betperde taǵý rejimi men áleýmettik qashyqtyq mindetti túrde saqtalýy tıis.

Bes kún boıy elordanyń teatr sahna­larynda festıval qatysýshylary ózderiniń jetekshi spektaklderimen óner kórsetedi. Sondaı-aq sheberlik synyptary, zamanaýı jáne beıneleý óneriniń kórmeleri uıymdastyrylady. Festıval baǵdarlamasynda «Qyz Jibek» operasy, «Abaı-Toǵjan» mýzykalyq dramasy, «Qunanbaı», «Jarqanat», «Romeo men Djýletta», «Jibek» spektaklderi, «Jızel» baleti jáne taǵy basqa qoıy­lymdar bar.

– Bul mádenı is-sharanyń maqsaty máde­nıet qaıratkerlerin qoldaý, kórer­mender úshin de, festıval qatysýshyla­ry úshin de merekelik kóńil kúı qalyptasty­rý bolyp sanalady. Osy festıvaldy ótkizýge alǵash ret qalanyń barlyq ınfraqurylymy, sonyń ishinde shaǵyn jáne orta bıznes tartylady. Teatr ap­ta­lyǵy kezinde kórmeler, teatr sahnasynyń jetekshi teatrlary men metrleriniń túrli sheberlik synyptary uıymdastyrylady, sondaı-aq qala turǵyndary arasynda spektaklderdiń qyzyqty premeralyq qoıylymdaryna bıletter oınatylady. Teatr aptalyǵyn uıymdastyrýǵa qatysty barlyq aqparat www.visitnursultan.kz saıtynda ornalas­tyrylady, deıdi Nur-Sultan qalasynyń ákimi Altaı Kólginov.

Sonymen 29 qazanda Melpomenniń elordalyq qyzmetshileri kórermenge alty túrli qoıylym usynady.

Kúndiz saǵat 11:30-da «Naz» memle­kettik bı teatry Abaı Qunanbaevtyń aıaq­­­tal­maǵan «Ázim áńgimesi» atty horeo­gra­fııa­lyq spektaklin kórsetedi. Qoıylym adam­dardyń baılyq úshin qandaı aıla-amaldar men arsyz áreketterge bara altyn­dyǵyn baıandaıdy. Qoıýshy-horeograf­tar – S.Dúzbaev, A.Beglova, Ý.Izenaev, M.Baıbolova. Mýzykanyń avtory jáne redaktory – K.Eran.

Elordalyq «Qýyrshaq» teatry kish­kentaı kórermenderge arnap G.An­der­senniń «Dıýımovochka» erte­gisin daıyndady. Qoıylym álemdegi eń kishkentaı qyz ben onyń dostarynyń shytyrman oqıǵalary týraly baıandaıdy. Bastalýy saǵat 14:00-de. Qoıýshy-sýretshiler – E.Sár­senbaev, A.Syrbaeva.

Astana musical teatry kórermen­der­di Qazaqstan ortalyq konsert zalynda aǵylshyn dramatýrgi Reı Kýnıdiń «№13» komedııasyn kórýge shaqyrady. Oqıǵa jelisi 13-shi nómirli qonaqúı ból­mesinde órbıdi. Sıýjetke sáıkes, nómir­de yqpaldy saıasatker óziniń hatshysymen jáne qaraqshylarmen kezdesedi. Tonaýshylardyń kesirinen keıipkerdiń bireýi kóz jumady. Qalǵan keıipkerler osy oqıǵa týraly polısııaǵa habarlaı almaı ábigerge túsedi. Sebebi esimi elge belgili sheneýnikke jaǵymsyz suraqtar qoıylatyn edi. Sonymen 13-nómirde oqıǵa qalaı órbıtinin kórermender 29 qazanda saǵat 19:00-de kóre alady. Qoıylym rejısseri – Astana musical teatrynyń kórkemdik jetekshisi Eslıam Nurtazın.

Sol ýaqytta Q.Qýanyshbaev atyn­da­ǵy memlekettik akademııalyq qazaq mýzykalyq drama teatrynyń sahnasynda. T.Ásemqulovtyń «Qunanbaı» dramasy usynylady. Spektakl-kórinis kórermenderdi qazaq halqy úshin kúrdeli tarıhı kezeńge jeteleıdi. Qoıýshy rejıs­seri – Bolat Uzaqov, qoıýshy sýretshisi – Qanat Maqsutov.

Jas kórermenniń mýzykalyq teatry uly Abaıdyń jastyq shaǵyndaǵy oqıǵa­larǵa negizdelgen Muhtar Áýezovtiń «Abaı-Toǵjan» mýzykalyq dramasyn ta­­ma­sha­laýǵa shaqyrady. Qoıylymda aqyn­­nyń Toǵjanǵa degen mahabbaty, onyń bas­tan keshkenderi men ishki dúnıe­ta­­ny­­my baıandalady. Qoıýshy rejısseri – Qa­zaq­­stannyń eńbek sińirgen qaıratkeri As­­hat Maemırov. Bastalýy – saǵat 16:00-de.

Sol kúni keshke kórermen «Jastar» teatry­nyń ártisteri sahnalaıtyn Ý.Sheks­­pırdiń «Asaýǵa tusaý» komedııa­syn tama­shalaı alady. Kórermendi keıip­ker­lerdiń dıalogy men minez-qulqy, tap bol­ǵan ázilge toly jaǵdaılary qyzyq­ty­­rady dep senemiz. Komedııanyń rejıs­ser­leri – Nurqanat Jaqypbaı, Bekbolat Qur­man­ǵojaev jáne Dáýren Serǵazın. Spektakl 29 qazan kúni saǵat 19:00-de ótedi.

Baǵdarlama aıasynda 30 qazan kúni keshki saǵat 19:00-de jas kórermenniń mý­­zykalyq teatry N.Moshınniń «Dúnıe-ǵapyl» metafızıkalyq dramasyn kórý­ge shaqyrady. Qoıylym avtorlary ómir­diń máni men mańyzyn, adamnyń jan dúnıesin kórsete otyryp, adamzat balasy úshin ortaq taqyrypqa júginedi. Qoıý­shy-rejısser jáne ssenograf – Ashat Maemırov.

Kúndiz saǵat 17:00-de teatr ártisteri F.Dostoevskııdiń «Aǵaıyndy Karamazov­tar» romanynyń jelisi boıynsha «Uldar» dramasyn kórsetedi. Spektakl jasóspi­rimderdiń ómiri týraly baıandaıdy. Bala tárbıeleýdiń, balalarmen ózara qarym-qatynas jasaýdyń ózekti máselelerin kóteredi. Qoıýshy rejısseri – Ernazar Jańatilek, aýdarmasyn A.Omash júrgizdi.

31 qazan kúni saǵat 19:00-de «Jastar» teatrynyń sahnasynda T.Ahmetjannyń «Taptym. Ǵashyq boldym. Joǵalttym» mıýzıkli sahnalanady. Sıýjet jelisinde túrli kedergiler men qym-qıǵash oqıǵa­ny, dramany bastan keshiretin qos ǵashyq­tyń mahabbat tarıhy jatyr. Muńdy áýenmen árlenip, saǵynyshpen órilgen bul mahabbat tarıhy kórermendi beı-jaı qal­dyrmaıtyny anyq. Qoıýshy re­jıs­seri – Nurqanat Jaqypbaı, qoıýshy sýretshisi – Qabyl Halyqov, hormeıster – Ánel Sirgebaeva, baletmeıster – Gıýzel Muhamedjanova.

Sol kúni «NAZ» memlekettik bı teat­ry «Tuǵyrǵyndar» horeografııalyq spek­­taklin usynady. Qoıylymda Qa­zaq han­­­dyǵy qurylǵanǵa deıingi ejel­­gi ta­rı­hymyz, VI-XI ǵasyrlar ara­­ly­ǵyn­­­da Uly dalany meken etken saq, ǵun, qań­ly kezeńderi týraly baıan­­da­la­dy. Kórer­mender Túrik qa­ǵa­na­ty­nyń qalaı qurylǵanyn jáne qalyp­tas­qanyn tama­shalaıdy. Qoıýshy horeograf­tar – E.Aǵym­baev, K.Aǵymbaeva, M.Aıt­maǵambetova. Bastalýy – saǵat 17:00-de.

Astana musical memlekettik teatry kó­rermenderdi 31 qazan kúni saǵat 18:00-de COVID-19 bı-performansyn tama­shalaý úshin Qazaqstan kameralyq zalyna shaqyrady. Horeografııalyq spek­takl karantın kezindegi adamnyń máń­gi­lik qundylyqtary, ishki jaǵdaıy, sana­syn­daǵy ózgerister, halyqtyń absýrd­tyq áre­ketteri men senimderi, jaqyndary men týys­tarynan aıyrylǵan kezdegi aza­by týraly baıandaıdy. Spektakldiń rejıs­seri – Ánel Myrzaǵulova, mýzykalyq shy­ǵar­malardyń avtory – Aqjol О́mirzaqov.

Sol kúni saǵat 11:30-da qýyrshaq teatrynda qazaq halyq eposynyń jelisi boıynsha qoıylǵan «Er Tóstik» spektakli kórsetiledi. Qoıylymda qazaqtyń salt-dástúrleri, ádet-ǵurpy, ata-ana men aǵa urpaqqa degen qarym-qatynasy kórinis tabady. Spektaklde batyrlardyń erligi, týǵan jerge degen mahabbaty týraly baıandalady. Rejısseri – Quralaı Eshmuratova.

Festıvaldyń sońǵy kúni, ıaǵnı 1 qa­ra­shada «Jastar» teatrynyń sahnasynda «Qanattylar» mýzykalyq-poetıkalyq qo­ıylym usynylady. Bul týyndyny ta­mashalaǵan kórermen jalpyadamzattyq qundylyqtar, ómirdiń máni, jazmysh pen taǵdyr týraly oı tolǵanatyny anyq. Spek­takl ınklıýzıvti «Qanattylar» teatry úshin premeralyq qoıylym sanalady. Avtory – G.Salyqbaı, rejıs­seri – N.Vahıtov.

Sońǵy jańalyqtar

Mektep oqýshysy mert boldy

Aımaqtar • Búgin, 13:16

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar