Qarjylyq monıtorıng agenttiginiń Qostanaı oblysy boıynsha aýmaqtyq departamenti sybaılas jemqorlyq deregin anyqtady.
Tergeý málimetteri boıynsha, merdiger «Galara» JShS men Qostanaı qalasy ákimdiginiń turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi arasynda 612 mıllıon teńgeden astam somaǵa Qostanaı qalasynyń Naberejnaıa kóshesin qaıta jóndeý sharty jasalǵan.
«Galara» JShS Bas dırektory TKSh bólimi ınspektorynyń kómegimen is júzinde kórsetilmegen (qum-qıyrshyq tas qospasynan, usaq tastan jasalǵan negizderdiń tóseıtin jáne tegisteıtin qabattaryn ornatý boıynsha) qosymsha qyzmetter boıynsha oryndalǵan jumystardyń jalǵan aktisin usyndy.
«Jalǵan akt negizinde JShS esepshotyna 27 mıllıonnan astam teńge negizsiz aýdaryldy. Kásiporyn dırektory men bólim qyzmetkeri 5 jylǵa bas bostandyǵynan aıyryldy», delingen QR QMA baspasóz qyzmetiniń aqparatynda.
