Prezıdent • 21 Qazan, 2021

Prezıdent Dostoevskııdiń 200 jyldyǵyn uıymdastyrýdy usyndy

64 ret kórsetildi

Qazaqstan halqy Assambleıasynyń keńeıtilgen otyrysynda Memleket basshysy Qasym-Jomart Toqaev Fedor Dostoevskııdiń 200 jyldyǵyna arnalǵan ataýly is-shara uıymdastyrýdy usyndy, dep habarlaıdy Egemen.kz.

«Jetinshi – mádenıet dıalogy jáne jalpyulttyq azamattyq patrıotızm. Biz kún saıyn úılesimdi etnosaralyq ózara-is-qımyldyń jarqyn úlgilerin, túrli etnosqa kiretin el azamattarynyń patrıotızm aktileri men jankeshti eńbegin kórip otyrmyz. Qazaqstanda etnıkaaralyq dıalog dástúriniń tamyry bereńde jatyr. Máselen, kórnekti zertteýshi Potanın Grıgorıı Alekseevıchti «Alash» qaıratkerleri qurmetti aqsaqal dep ataǵan. Potanınniń qazaq tilinde sóılegeni, halqymyzdyń mádenıetin, turmysyn jáne tarıhyn zerttegeni belgili.

Qazaqtyń tanymal ǵalymy Shoqan Ýálıhanovpen dostyq qarym-qatynasta bolǵan. Bıyl IýNESKO qamqorlyǵymen Shoqan Ýálıhanovtyń taǵy bir dosy, álem ádebıetiniń klassıgi Dostoevskıı Fedor Mıhaılovıchtiń 200 jyldyǵy atalyp ótedi. Menińshe, elimizdiń tarıhı ortalyqtarynyń biri – Semeıde osynaý datanyń kúnine oraı ataýly is-shara uıymdastyrý kerek», dedi Memleket basshysy.

QR Prezıdentiniń atap ótýinshe, F.Dostoevskıı Semeı qalasynda 5 jyl boıy jumys istegen. Qalada jazýshynyń ádebı-memorıaldy mýzeıi ornalasqan. Osy mýzeı úı búkil álem týrısteri úshin mádenı-tanymdyq nysanǵa aınala alady.

«Mádenıetterdiń bir-birimen aralasýynda shekara joq. Ol halyqty rýhanı baıytady. Bul meniń nyq senimim. Qazaqstanda Aleksandr Pýshkınnen bastap «Edilde kazakpyn, Jaıyqta qazaqpyn» dep aıtqan Nobel syılyǵynyń laýreaty Mıhaıl Sholohovqa deıin orys ádebıetiniń kóptegen klassıgi shabyt alǵan edi», dedi Qasym-Jomart Toqaev.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar