Sóıtip kishkentaı Sashanyń talanty men bilimge degen qushtarlyǵy qazylar alqasynan laıyqty baǵa alyp, ol dıplommen, sertıfıkat jáne «Jas ǵalym» tósbelgisimen marapattaldy. Sonymen birge jas talaptyń jobasy respýblıkalyq kitap-jınaqqa engizildi.
Anasy Elena Kýropıatnıkovanyń aıtýynsha, Sasha bes jyldan beri ejelgi zaman janýarlaryna qyzyǵýshylyq tanytyp keledi eken. Balaqaıdyń bilimin baıytyp, tanymyn keńeıtý maqsatynda ata-anasy ony Egıpettegi dınozavrlar saıabaǵyna da aparypty.
Sasha sabaqty jaqsy oqıtyn kórinedi. Pánderdiń ishinde matematıka men aǵylshyn tilin unatady eken.
Synyp jetekshisi Olga Shter Sasha qolǵa alǵan jobanyń ıdeıasy jaratylystaný sabaǵy ústinde týyndaǵanyn aıtady.
– Biz «Qazaqstan aýmaǵynda tirshilik etken janýarlar» taqyrybyn talqyladyq. Balalar: «Elimizdiń aýmaǵynda dınozavrlar boldy ma?», degen suraq qoıdy. Sashanyń bul suraqqa jaýap izdegen talpynysy birden unady, sondyqtan, men oǵan bul týraly kóbirek málimet jınaýǵa tapsyrma berdim, – deıdi ol.
Aıta ketetin bir jaıt, Sasha men ustazynyń zertteý eńbegi Qazaqstan aýmaǵynda dınozavrlardyń onnan astam túriniń tirshilik etkenin anyqtaýǵa septigin tıgizgen kórinedi.
