Onda Qazaqstannyń erekshe qorǵalatyn tabıǵı aýmaqtaryn damytý máseleleri talqylandy.
Senat komıtetiniń tóraǵasy Álı Bektaev kezdesýdi asha kelip, erekshe qorǵalatyn tabıǵı aýmaqtardy damytý bizdiń elimizdegi jumystyń mańyzdy baǵyty ekenin atap ótti. Ol erekshe ekologııalyq nysandar men ǵylymı-mádenı qundylyqtar Qazaqstannyń ulttyq ıgiligi ekenin jetkizdi.
«Bul aýmaqtar bıosferanyń negizi retinde bıologııalyq jáne landshaftyq ártúrlilikti saqtaý úshin erekshe mańyzǵa ıe. Osy rette ulttyq, óńirlik jáne dúnıejúzilik ekologııalyq jeliniń quramdas bóligi bolyp tabylatyn erekshe qorǵalatyn tabıǵı aýmaqtar men memlekettik tabıǵı qoryq obektilerin jasaý, keńeıtý, qorǵaý, qalpyna keltirýdiń ekologııalyq, ǵylymı, tarıhı-mádenı jáne rekreasııalyq qundylyǵy zor», dedi senator Álı Bektaev.
Ekologııa, geologııa jáne tabıǵı resýrstar mınıstri Serikqalı Brekeshev óz baıandamasynda parkter men qoryqtar ınfraqurylymyn jaqsartý jóninde aıtarlyqtaı jumystar júzege asyp jatqanyn atap ótti. Ol sondaı-aq ekologııalyq týrızmdi damytýǵa, eldiń ulttyq parkteri aıasynda ekotýrızm brendterin jasaýǵa jáne kúzetiletin aýmaqtardyń kelýshilerge qyzmet kórsetý men oqytý sanatyn kóterýge múmkindik beredi.
Senatorlar kezdesý qorytyndysy boıynsha birqatar usynystar aıtty. Atap aıtqanda, «Ulytaý» memlekettik ulttyq tabıǵı parki men «Bókeıorda» memlekettik tabıǵı rezervatyn jasaý máselesin erekshe baqylaýǵa alý, sondaı-aq ishki týrızmdi damytý maqsatynda ulttyq parkterdiń ınfraqurylymyn damytý úshin qosymsha qarajat bólý týraly aıtyldy.
Kezdesýge qatysýshylar bilikti kadrlarmen qamtamasyz etý jáne materıaldyq-tehnıkalyq jaraqtandyrý, sondaı-aq ishki týrızmdi damytý maqsatynda ulttyq parkterdiń ınfraqurylymyn damytý úshin qosymsha qarjy bólý máselelerin talqylady.
