Tehnologııa • 24 Qazan, 2021

Qazaqstandyqtardyń jeke málimetteri qanshaǵa baǵalanady?

380 ret

kórsetildi

1 mın

oqý úshin

Damyǵan zamanda tyń tehnologııalar kóptegen jumysty jeńildetkenmen, sıfrly prosester jeke málimetterdiń taralyp ketpeýine kepildik bermeıdi. Kıber shabýyldan qalaı saqtanýǵa bolady? DarkNet nemese «jasyryn jelide» jeke, banktik málimetterińiz taralyp ketpeý úshin ne isteý kerek? Kıberqaýipsizdik salasyndaǵy osy jáne ózge de saýaldarǵa Egemen Qazaqstan gazetiniń 2021 jylǵy 22 qazandaǵy sanynda jýrnalıst Jaqsylyq Muratqalı jaýap izdep, maman keńesin usyndy, dep jazady Egemen.kz.

Dana MYRZAQADIR

Qazaqstandyqtardyń jeke málimetteri qanshaǵa baǵalanady?

DarkNet-te talaı qazaqstandyqtyń deregi júr. Sondyqtan «Kasperskıı zerthanasynyń» kıberqaýipsizdik jónindegi sarapshysy Dmıtrıı Galov otandastaryn barynsha saq bolýǵa shaqyrady.

Sondaı-aq Dmıtrıı Galov qazaqstandyqtardyń jeke málimetteri qanshaǵa baǵalanatynyn da aıtty.

«Tólqujat nemese selfı skaneri bar málimetter paketi shamamen 4 dollardan bastalady. Buǵan qosa Netflix, Amazon syndy strımıngtik plaftormalardyń ónimine zańsyz qol jetkizýge múmkindik beretin derekter de satylady. Olardyń quny – 50 sent pen 8 dollardyń aralyǵynda. Bank kartalarynyń málimetteri 6-20 dollar aralyǵynda saýdalansa, ınternet-bankıngtiń tirkeý derekteriniń baǵasy shotta qalǵan somaǵa baılanysty dep naqtylady kıberqaýipsizdik sarapshylary. Shet memleketterde ınternetten tipti medısınalyq kartaǵa baılanysty málimetterdi de satyp alýǵa bolady», deıdi «Kasperskıı zerthanasynyń» kıberqaýipsizdik jónindegi sarapshysy Dmıtrıı Galov.

Taqyrypqa qatysty ózge de qundy málimetterdi jýrnalıst Jaqsylyq Muratqalıdyń «Hakerdiń kózdegeni – ónerkásip» materıalynan oqýǵa bolady.