Bilim • 23 Qazan, 2021

Balabaqshalarda balany damytýdyń jańa modeli engiziledi

95 ret kórsetildi

2025 jylǵa qaraı barlyq mektepke deıingi uıymdarda bala damýynyń jańa modeli engiziletin bolady. Oqytý prınsıpi oıyn arqyly júrgiziledi, dep habarlaıdy Egemen.kz.

Memleket basshysynyń tapsyrmasy boıynsha 2025 jylǵa qaraı 3 jastan 6 jasqa deıingi balalardy mektepke deıingi bilimmen qamtý 100%-ǵa jetýi tıis.

«Balalar ártúrli joldarmen damı alady, óıtkeni balalar ártúrli, bireý tezirek oqýdy úırenedi, bireý baıaý júredi. Árıne, bárine bir ólshemmen qaraý durys bolmas edi, sondyqtan bilim berý baǵdarlamalarynyń mazmunyna degen kózqaras ózgerýde», deıdi Bilim jáne ǵylym mınıstri Ashat Aımaǵabetov.

Múmkindiginshe kóp bala mektepke deıingi bilimmen qamtylýy úshin balalar uıymdarynyń jelisi jeke menshik ıelerine memlekettik tapsyrysty ornalastyrý arqyly damytylatyn bolady.

Bilim mınıstriniń aıtýynsha, boljam boıynsha 2025 jylǵa qaraı mektep oryndaryna degen qajettilik te artady. Osyǵan baılanysty, respýblıkada 1000 jańa mektep salý josparlanýda, oǵan 100 myńǵa jýyq jańa pedagog qajet bolady.

«Biz 1000 mekteptiń qurylysy týraly aıtqanda, bul qurylystyń ózin ǵana emes, kadrlardy daıarlaý men biliktilikti arttyrýdy, mektepterdi jabdyqtaýdy jáne úlgilik jobalar máselelerin de qamtıtyn keshendi másele dep aıtamyz», dedi Aımaǵambetov.

Ashat Aımaǵambetov 2022 jyldan bastap pedagogıka, IT - salasy jáne tehnıkalyq bilim berý baǵyttary boıynsha eki ese kóp grant bólinetinin aıtty. 9 synyp túlekterin TjKB-men 100% qamtýdy qamtamasyz etý, sondaı-aq 20 quzyrettilik ortalyǵyn qurý jáne kolledjderdi materıaldyq tehnıkalyq bazamen jaraqtandyrý josparlanýda.

«Joǵary jáne joǵary oqý ornynan keıingi bilim boıynsha da naqty mindetter tur. Akademııalyq artyqshylyqtyń 20 ortalyǵy, Nazarbaev Ýnıversıtetiniń tájirıbesi boıynsha eki óńirlik ýnıversıtet qurylatyn bolady, sondaı-aq sheteldik joǵary oqý oryndary men kampýstardyń bes fılıalyn ashý kózdelýde», dep atap ótti mınıstr.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar