Jol apaty 22 qazanda Elenovka aýylynyń mańyndaǵy Kókshetaý – Qostanaı avtojolynda boldy. 34 jastaǵy Nur-Sultan qalasynyń turǵyny Volkswagen Golf avtokóligin basqaryp kele jatyp, qarsy jolaqqa shyǵyp, Kia Sportage krossoverimen soqtyǵysýǵa jol berdi, ony Qostanaıdyń 55 jastaǵy turǵyny júrgizip kelgen.
«Jol-kólik oqıǵasy saldarynan oqıǵa ornynda alǵan jaraqattardan Nur-Sultannyń 41 jastaǵy turǵyny Volkswagen Golf avtokóliginiń jolaýshysy qaıtys boldy. Kópsalaly oblystyq aýrýhananyń qabyldaý bólmesine túrli jaraqatpen Volkswagen Golf avtokóliginiń júrgizýshisi men eki jolaýshysy, KIA Sportage markaly avtokóliginiń júrgizýshisi men jolaýshysy jetkizildi», delingen Aqmola oblysy PD habarlamasynda.
JKO faktisi boıynsha QR QK 345-babynyń 3-bóligi «Jol qozǵalysy erejelerin buzý» boıynsha sotqa deıingi tergeý bastaldy. Tıisti saraptamalar taǵaıyndaldy.
