24 qazanda elordalyq hokkeıshiler QHL turaqty chempıonatynda qatarynan úshinshi ret jeńiliske ushyrap, óz alańda «Severstalǵa» 1:5 esebimen ese jiberdi. Reseılikter oıynnyń ár bóliginde bir shaıba soǵyp, bastapqy eki kezeńde artyqshylyqqa ıe boldy.
Úshinshi kezeńniń basynda Arkadıı Shestakov artta qalýdy azdap qysqartty. Biraq úsh gol qatarynan soqqan «Severstal» matchtyń nátıjesin sheshti. Qarsylas taraptan mańyzdy shaıbalardy Igor Geraskın, Robert Rooba jáne Vladıslav Kodola soqty.
Kelesi matchty «Barys» 26 qazanda syrt alańda «Sibir» komandasymen ótkizedi.
