Jalpy keshe ótken saıası naýqanda 16 mln-nan astam saılaýshy konstıtýsııalyq quqyǵyn paıdalanǵan. Bul – barlyq daýys berýshiniń shamamen 80,8 paıyzy. Búgin bulardyń qataryna AQSh-ta júrgen О́zbekstan azamattary da qosylady. Muhıttyń arǵy jaǵyndaǵy saılaý ýchaskeleri eń sońǵy bolyp jabyldy.
Ortalyq saılaý komıssııasynyń málimetinshe, О́zbekstandaǵy saılaý demokratııalyq talaptarǵa saı ótken. Saıası naýqanǵa degen qyzyǵýshylyq joǵary bolǵan.
«Saılaý barysyn baqylaý úshin ýchaskelerge 414 kamera ornatylǵan bolatyn. Bul naýqannan 1672 BAQ ókili habar taratty. Taǵy 54 memleketten kelgen 1 myńǵa jýyq baıqaýshy daýys berý úrdisin qadaǵalady. Taǵy О́zbekstan tarıhynda alǵash ret sottalǵandar da el prezıdentin tańdaý múmkindigine ıe boldy», dedi О́zbekstan ortalyq saılaý komıssııasynyń tóraǵasy Zaınıddın Nızamhodjaev.
