«Ishki ister mınıstrligimen birge suranysty kóbeıtý máselesin pysyqtadyq, ony zańnamalyq túrde bekitý qajet. Osyǵan baılanysty qoldaý suraǵym keledi. Belgili bir nómirler bar, mysaly, 777. Ony bıýdjetke aqysyn tóleý arqyly satyp alýǵa bolady. Sondaı-aq áli rettelmegen memlekettik nómirler bar, olardyń tizimin zańmen bekitkimiz keledi, osylaısha, olardy da satý múmkin bolady», dedi Mýsın Májilistegi Úkimet saǵatynda.
Ol Májilis depýtattarynan mınıstrlikter bastamasyn qoldaýdy surady.
Sondaı-aq Mýsın avtokólikke qatysty máselelerde memlekettik qyzmetterdi kórsetýdiń biryńǵaı núktesi retindegi elektron Úkimet jetistigi týraly aıtty.
«Tanymal platformalar arqyly qyzmet kórsetý boıynsha jumystar júrgizilip jatyr. Mysaly, kólikterdi qosymshalar arqyly tirkeý prosesti aıtarlyqtaı ońtaılandyrýǵa jáne avtomattandyrýǵa, sonymen qatar turǵyndardyń ýaqyty men shyǵyndaryn únemdeýge septigin tıgizdi. Qyzmet alý úshin nysanǵa barýdyń qajeti joq. Bul tásilder karantın sharalardy eskersek, mańyzdy sanaldy», dedi mınıstr.
Ol qańtarda kólik quraldaryn tirkeý jáne qaıta tirkeý boıynsha 4 myń tranzaksııa bolǵanyn, onyń 5 paıyzy ǵana onlaın rejımde jasalǵanyn túsindirdi. Qyrkúıektiń ózinde qazaqstandyqtar kólikterdi tirkeý jáne qaıta tirkeý boıynsha 167 myń tranzaksııa jasaǵan, onyń ishinde onlaın tirkeý úlesi 36 paıyzǵa deıin ósken.
«Biz qyzmetterdi Kaspi.kz, Homebank.kz jáne t.b. tanymal platformalarǵa kóshirý óz áserin tıgizetinin kórsettik. Eń tanymal qyzmetterge nazar aýdardyq», dep qosty ol.
