Kemelbek Oıshybaev medıa salasy mamandaryn oqytýdy uıymdastyrý jáne birlesken kontent qurý salasyndaǵy yntymaqtastyqty odan ári damytý qajettigine nazar aýdardy.
О́z kezeginde M.Sobadjı «Qorqyt Ata» teleserıalyn túsirýdi uıymdastyrý boıynsha birlesken joba qurýdy tolyq zerdeleýge daıyn ekenin bildirdi. Ol birlesken kontentti qurý Qazaqstan men Túrkııa halyqtarynyń mádenı baılanystaryn damytýǵa, sondaı-aq týrızmdi damytýǵa yqpal etetinin atap ótti.
Esterińizge sala keteıik, 2021 jyldyń 22-24 qazan aralyǵynda Ystambulda Qazaqstan, Túrkııa, Ázirbaıjan, О́zbekstan, Qyrǵyzstan, Túrkimenstan jáne Majarstan memlekettik organdary ókilderiniń, aqparat salasyndaǵy basshylar men sarapshylardyń, ǵalymdardyń, jýrnalısterdiń, blogerler men qoǵam belsendileriniń qatysýymen Túrki Keńesiniń medıaforýmy ótti.
Forýmnyń kún tártibinde – túrki áleminiń damý perspektıvalaryna, kınoındýstrııaǵa, áleýmettik jelilerge jáne óskeleń urpaqty tárbıeleýge qatysty máseleler talqylandy.
Forým jumysyna Qazaqstan delegasııasynyń quramynda QR Aqparat jáne qoǵamdyq damý vıse-mınıstri Kemelbek Oıshybaev, Qazaqstannyń Azamattyq alıansynyń prezıdenti Baný Nurǵazıeva, elimizdiń jetekshi BAQ basshylary: Lázzat Tanysbaı («Qazaqstan» RTRK), Eldos Nashıralı (QazAqparat), «Qazaqfılm» AQ prezıdenti Aqan Sataev, qoǵam qaıratkeri Toǵjan Qojalıeva, aktrısa Almıra Tursyn jáne t.b. qatysty.
Forým tanymal túrik tarıhı serıaldary túsirilgen platformaǵa ekskýrsııamen aıaqtaldy.
