Bilim • 25 Qazan, 2021

Halyqaralyq olımpıadada altyn alǵan oqýshyǵa 4 mln 375 myń teńge beriledi

84 ret kórsetildi

Jańa jahandyq damý bolashaq bilimdi urpaqtyń qolynda ekenin aıqyndap keledi. Sondyqtan el bıligi jyl ótken saıyn bilimge quıylatyn kapıtal kólemin arttyrýda. Bıyl Memleket basshysy Qasym-Jomart Toqaev halyqqa Joldaýynda osy baǵyttaǵy jumystardy kúsheıtýge tapsyrma bergen bolatyn, dep jazady Egemen.kz.

Áriptesimiz Aıdana Shotbaıqyzy osy tapsyrma negizinde atqarylyp jatqan sharalardy saralady.

Egemen Qazaqstan gazetiniń 25 qazandaǵy sanynda jaryq kórgen «Bilimdini qoldaý – bolashaqty oılaý» materıalynda oqýshylar halyqaralyq olımpıada men bilim báıgelerinde oza shapqandarǵa memleket tarapynan beriletin bir rettik syıaqy mólsheri aıtyldy.

«Daryndy balalardy qoldaý úshin Prezıdenttiń tapsyrmasyna sáıkes kon­kýrs­qa qatyspaı-aq granttar berý, sondaı-aq bir­­­jolǵy aqshalaı syıaqylar kóz­deledi: altyn medal úshin keminde 1 500 AEK, kúmis medalǵa – 1 000 AEK, qola me­dalǵa 500 AEK usynylady», degen bas ustazdyń deregin alǵa tarta otyryp tilshimiz syıaqynyń jalpy mólsherin naqtylady.

«Bıylǵy 1 aılyq eseptik kórsetkish (AEK) – 2 917 teńge. Sonda altyn medal alǵan oqýshy bir ret 4 mln 375 myń 500 teńgelik aqshalaı syıaqy ıelenedi. Al kúmis medal ıegeri 2 mln 917 myń teńge, qola medal ıesi 1 mln 458 myń 500 teńgege qol jetkizedi», dep jazdy tilshi.

Sońǵy jańalyqtar

Almaty qalpyna keltirilýde

Aımaqtar • Keshe

Dalanyń dara kúıshisi

О́ner • Keshe

Uqsas jańalyqtar