Mınıstr 2020 jylǵy 30 qyrkúıekte qordaǵy jerlerdi erekshe qorǵalatyn tabıǵı aýmaqtarǵa aýystyrý tártibin retteıtin zań qabyldanǵanyn eske saldy.
«Atalǵan zańnyń qabyldanýy Kókjaılaý jobasynyń jerlerin Ile-Alataý ulttyq parkiniń quramyna qaıtarýǵa negiz boldy. Búginde jer kólemi shamamen 1000 gektardy quraıdy, qazirgi ýaqytta Ile-Alataý ulttyq parkine jer berý týraly Úkimet qaýlysynyń jobasy ázirlenýde», dedi mınıstr Ortalyq kommýnıkasııalar qyzmetinde ótken brıfıngte.
Mınıstrdiń aıtýynsha, qaýly jobasyn kelisý jáne ony bekitý rásimi shamamen bir aıǵa sozylady, al Kókjaılaýdy Ile-Alataý ulttyq parkiniń quramyna qaıtarý prosesi jyl sońyna deıin aıaqtalmaq.
