Aımaqtar • 26 Qazan, 2021

Sybaılas jemqorlyq týraly habarlaǵan alty adam syıaqy aldy

293 ret kórsetildi

Bıylǵy jyldyń 9 aıynda oblysta sybaılas jemqorlyq faktileri týraly málimdegen 6 adam 1 mıllıon teńge kóleminde syıaqy aldy. Bul týraly «Antikor» ortalyǵynda ótken brıfıngte Sybaılas jemqorlyqqa qarsy qyzmettiń Mańǵystaý oblystyq departamenti basshysynyń birinshi orynbasary Qýanysh Myrzaǵalı málimdedi, dep habarlaıdy Egemen.kz.

Onyń aıtýynsha, qazirgi ýaqytta óńirde sybaılas jemqorlyqqa qarsy kúreske qol ushyn beretin adamdardy kótermeleý tájirıbesi keńinen taralýda.

Sybaılas jemqorlyqpen kúreske at salysyp, marapattalǵandardyń biri Sybaılas jemqorlyqqa qarsy qyzmettiń senim telefony «1424» nómiri boıynsha júgindi.

Aıta ketý kerek, «Sybaılas jemqorlyqqa qarsy is-qımyl» týraly QR Zańyna sáıkes osyndaı jaǵdaılar týraly habarlaǵan adam syıaqymen yntalandyrylyp qana qoımaı, memlekettiń qorǵaýynda bolady.

Uqsas jańalyqtar