Tehnologııa • 26 Qazan, 2021

«Qııańqy jáne kelispeıtinderdi ustaıtyn» robot-ıtter jalǵan bolyp shyqty

85 ret kórsetildi

Belgili qazaqstandyq Telegram-arnalardyń birinde kóshede robot-ıtpen júrgen polıseılerdiń beınerolıgi tarady. Onda robot-ıtter «qııańqy jáne kelispeıtinderdi ustaý» úshin paıdalanylady dep jazylǵan. Bul jalǵan, dep habarlaıdy Egemen.kz stopfake.kz-ke silteme jasap.

Aldymen bul qandaı robottar jáne olardy kim jáne ne úshin jasaǵanyn atap óteıik.

Vıdeoda Spot dep atalatyn robottar kórsetilgen. Olardy Boston Dynamics kompanııasy ázirlegen. Kásiporynnyń resmı saıtynda Spot aımaqty tekserý jáne barlaý quraly retinde jasalǵany aıtylǵan. 

Mysaly, mundaı robot qurylys alańdarynda júrip, ártúrli buryshtardan sýretter túsire alady, bul jańa ǵımarattyń qurylysyn naqty baqylaýǵa múmkindik beredi. Sonymen qatar, Spot ártúrli sebeptermen adamdardy jiberý qaýipti bolýy múmkin shahtalar men jerasty tonnelderin teksere alady.

О́tken jyldyń sońynda Nıý-Iork polısııasy Boston Dynamics kompanııasymen Spot robottaryn jetkizý jóninde kelisimshart jasasty. Mundaı robot-ıtterdi yqtımal qaýipti jerlerge barlaýǵa jiberýge bolady, osylaısha polısııa ofıserleriniń qaýipsizdigi qamtamasyz etiledi. Sondaı-aq robottar turǵyn úılerdegi qaýipti gazdardyń jylystaýyn anyqtap, qarańǵyda «kóre» alady, sondaı-aq, polısııa men tutqynǵa alynǵandar nemese ofıserler men tótenshe jaǵdaıǵa tap bolǵan adamdar arasyndaǵy eki jaqty baılanysty qamtamasyz etedi.

Robottar qarýlanbaǵan jáne olardy tek beıbit maqsatta, azamattar men polısııa qyzmetkerleriniń qaýipsizdigin qamtamasyz etý úshin ǵana paıdalaný josparlanǵan.

Alaıda, bıyl sáýir aıynda robot ıt óndirýshilerimen kelisimshart buzyldy. Buǵan Nıý-Iork turǵyndarynyń narazylyǵy sebep boldy. Robot-ıtter olarǵa tym qorqynyshty bolyp kórinip, qala turǵyndary olardyń kóshede júrgenin unatpady.

Sonymen qatar, kóptegen ıtter 2017 jyly shyqqan «Qara aına» serııalynyń epızodyna baılanysty qaýiptilikpen assosıasııalanady. Robottardyń bul túri qarý retinde qoldanylǵan. Olar jábirlenýshini uzaq ýaqyt boıy qýyp, óltirgen.

Alaıda, naǵyz Spot robottary beıbit maqsatta jasalǵan, olar eshqashan eshqandaı qarýmen jabdyqtalmaǵan jáne turaqty túrde batareıany qýattap otyrýdy qajet etedi.

Demek, vıdeoda kórsetilgen robottar bar, biraq olar «qııańqy jáne kelispeıtin adamdardy ustaý» úshin paıdalanylmaıdy. Robot-ıtter azamattar men polısııa qyzmetkerleriniń qaýipsizdigin qamtamasyz etý úshin qajet. Olar tek Nıý-Iorkte ǵana qoldanylǵan, biraq qala turǵyndary mundaı jańashyldyqty unatpaǵandyqtan bıyl sáýir aıynda megapolıs polısııasy robot-ıtterdi paıdalanýdan bas tartý týraly sheshim qabyldady.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar