Ekonomıka • 27 Qazan, 2021

Qundy qaǵazǵa qyzyǵatyndar kóp

46 ret kórsetildi

Qazaqstandyqtardyń qundy qaǵazdar naryǵyna degen qyzyǵýshylyǵy kún sanap artyp keledi. Buǵan resmı statıs­tıka da, áleýmettik jelidegi túrli jazbalar da dálel bola alady. Jyl basynan beri ashylǵan saýda shottarynyń sany 52 paıyzǵa ósken.

Jyl saıyn ınvestısııa salý naryǵynda túrli jańalyqtar men jańashyldyqtar paıda bolyp jatyr. Eger osydan on jyl buryn ǵana azamattar tabysynan artylǵan azyn-aýlaq aqshasyn ne úıde saqtap, ne depozıtte jınap qana amaldasa, qazir ınves­tısııa jasap, óz kapıtaldaryn eseleýdiń de jolyn taba bastaǵan. Ekinshi deńgeıli bankterdegi depozıt jobalarynan bólek, qun­dy qaǵazdar naryǵynda bel­sen­di jumys isteıtin brokerlik jáne saqtandyrý, sondaı-aq aktıvterdi basqarý kompanııalary ınvestısııalaýǵa arnalǵan ónimderdi usynýǵa kóshti.

Qazaqstan qundy qaǵazdardyń ortalyq depozıtarıi taratqan aqpar boıynsha, qazirdiń ózinde elimizde jeke tulǵalar ashqan 196,6 myń derbes shot tirkelgen. Jyl basynan beri olardyń sany 52,1 paıyzǵa nemese 67,4 myńǵa kóbeıgen. Finprom-nyń habarlaýynsha, jumyspen qamtylǵan azamattardyń 2,2 paıyzy qun­dy qaǵazdar naryǵyndaǵy opera­sııalarǵa daıyn nemese qazirdiń ózinde qatysyp jatyr.

Jeke tulǵalar úshin bul seg­menttegi tanymal qural­dardyń biri – jarnalyq ınves­tı­sııalyq qorlar. Onda ujym­dyq qarjy salý formasy da qarastyrylǵan. Qor klıent­teriniń qarjysy basqarý­shy kom­panııanyń senim­gerlik basqarýyna beriledi. Basqarýshy kompanııany tańdaý kezinde asa muqııat bolǵan jón: qazir elimizde qarjylyq qada­ǵa­laý­shydan lısenzııa almaı jumys istep jatqan birneshe kompanııa bar. О́zderin basqarýshy kompanııa dep jarnamalaıtyn qarjy pıramıdalary da kóp. Soǵan baılanysty jaqynda Qarjy naryǵyn retteý jáne damytý agenttigi naryqta zańsyz qyzmet etip júrgen kompanııalar tizimin jarııa etti. Tizimge jalpy 121 sýbekt engizilgen. Onyń 56-synda qarjy pıramıdasynyń belgi­leri bar bolsa, 65-i – zańsyz ınves­tısııalyq deldal (jalǵan brokerler) qyzmetin atqarǵan. Son­dyqtan basqarýshy kompanııa tańdaý kezinde adaspaý kerek. Máselen, naryqta tanymal, senimdi kompanııa retin­de qa­lyp­tasqan uıymdarǵa azamat­tardyń kóbi zeınetaqy jınaǵyndaǵy artyq qarjysyn berip jatyr.

Bıylǵy 1 qyrkúıektegi jaǵ­daı boıynsha ınvestısııa­lyq qorlardyń ashyq jáne ıntervaldyq aktıvteri jyl basynan beri 38,9 paıyzǵa kóbeıip, 124,9 mlrd teńgeni quraǵan. Jar­­nalyq ınvestısııalyq qor­lar aktıvteriniń kóp soma­sy Halyk Finance-qa tıesili – 53,5 mlrd teńge. Bul byltyr­men sa­lystyrǵanda eki ese jo­ǵary kór­setkish. Qazir kompanııa 4 valıýtalyq jarnalyq ınves­tısııalyq qorǵa basshylyq etedi. Onyń ishinde eń irisi – Halyk — Valıýtnyı qory. Aktıvter somasy 41,5 mlrd teńgege jetken. Investısııalyq qorlardyń ekinshi satysynda BCC Invest tur: 52,9 mlrd teńge. Qazir kompanııa qaramaǵynda «SentrKredıt – Valıýtnyı» atty ıntervaldyq ınvestısııalyq qor bar. Úzdik úshtikti 8,8 mlrd teńgemen Jusan Invest túıindeıdi.

Eger taza aktıvter qunyna mán berer bolsaq, 1 qazandaǵy jaǵdaı boıynsha naryq lıderi retinde Halyk Finance pen BCC Invest kompanııalaryn ataı alamyz.

Sońǵy jańalyqtar

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar