Aımaqtar • 27 Qazan, 2021

Ataqty ǵalym Beısembaı Kenjebaıulyna memorıaldyq taqta qoıyldy

56 ret kórsetildi

Pavlodardaǵy «Ertis Medıa» ǵımaratynyń qabyrǵasyna oblystyq «Keńes týy» (qazirgi Saryarqa samaly) gazetiniń tuńǵysh redaktory, elimizde túrkitaný mektebiniń negizin qalaýshy Beısembaı Kenjebaıulyna arnalǵan memorıaldyq taqta qoıyldy.

Bul kúngi rýhanı rá­simge Almaty, Nur-Sul­tan qalalarynan ǵalym­nyń ur­paqtary Qaırat Qa­dyr­bekov, Janar Jumabaeva, Ádil Bekturovtar arnaıy ke­lip qatysty.

Taǵzym taqtanyń ashylý saltanatyna jınalǵan zııaly qaýym ókilderi Beısembaı Kenjebaıulynyń esimi bul óńirde aıryqsha qurmetteletinin, óıtkeni 25 jasynda Pavlodar okrýginiń «Keńes týy» gazetiniń tuńǵysh redaktory retinde bekitilip, 1929 jyly 15 aqpanda ba­sylymnyń alǵashqy nómirine qol qoıǵanyn atap ótti.

О́negeli jannyń ómir­baıanyna kóz salsaq, Ońtústik Qazaqstan oblysy, Ordabasy aýdany, Bógen aýylynda tý­ǵan. Stýdent kezimizde Al­ma­tyda oqyǵanda ǵalym ata­myzdyń leksııalaryn bizder de tyńdaǵan edik.

Ǵalym qazaq ádebıetiniń, ult baspasóziniń tarıhyna arnalǵan kóptegen ǵy­lymı jazbalardyń, Abaı, Sul­­tanmahmut, Jambyl, Muha­medjan Seralın, Muh­tar Áýezovterdiń ómiri men shy­ǵarmalary týraly zert­teý­lerdiń avtory ekeni bel­gili.

Keńestik kezeńde qazaq ádebıetiniń tarıhy Buhar jyraýdan bastalady degen pikirdi teriske shyǵaryp, onyń Orhon-Enıseı jazbalarynan tamyr tartatynyn ǵy­lymı turǵydan dálel­degen. Kórkem proza jáne aýdarma salasynda da kóp eńbek etti.

Al urpaǵy Qaırat Qa­dyr­bekov atasynyń elimiz­diń ádebıet ǵylymynda óz mek­tebin qalyptastyrǵanyn aıt­ty. «Beısenbaı atamyz QazMÝ-da qyzmet atqaryp, stýdentterge leksııalaryn oqyp júrgen kezde 42 ǵylym kandıdatyn, 3 ǵylym doktoryn daıyndapty. Olar – Muhtar Maǵaýın, Myrzataı Jol­dasbekov, Alma Qyraý­baeva sııaqty elge tanymal tulǵalar. Ol kisiniń óz us­tazdary da myqty, kezinde Mirjaqyp, Beıimbetterdiń janynda júrdi. Ulttyq rýhty urpaǵyna jetkizýde aıanbaı ter tókti. Ǵumyryn ult ádebıetine, ulttyq jań­ǵyrýǵa arnaǵan tulǵaǵa qur­­met kórsetken sizderge Beısenbaı Kenjebaevtyń oń­tústiktegi urpaqtarynyń sá­lemin jetkizip otyrmyn. Siz­derge alǵys bildiremiz», dedi ol aǵynan jarylyp.

Gazettiń alǵashqy nómi­riniń jaryq kórýine, sodan keıingi jyldary okrýgtik partııa komıtetiniń bıýro múshesi bolǵan Ámirǵalı Ep­maǵan­betov, okrýgtik partııa ko­mı­teti úgit-nasıhat bóli­miniń meń­gerýshisi Kárim Áji­bekov­ter zor kómek kór­setken. Keıin­nen bul aza­mattar gazet ju­my­syna belsene aralasyp, jyldar boıy redaksııa al­qa­synyń turaqty múshesi bolady.

«Sonymen «Keńes týy­nyń» birinshi nómirin Ámir­ǵalı, Kárim úsheýimiz qol qo­ıyp shyǵarǵan edik», dep Beı­sembaı Kenjebaevtyń ózi estelik jazǵan.

Oblystyq Saryarka samaly gazettiń redaktory Nurbol Jaıyqbaevtyń aıtýynsha, búginde redaksııa qorynda B.Kenjebaıulynyń sol kez­­degi qyzmetine qatysty ob­lystyq memlekettik arhıv­ten tabylǵan birneshe jeke derekteriniń kóshirmesi saqtalǵan.

Saltanatty shara so­ńyn­da Nur Otan partııa­sy oblystyq fılıaly tór­aǵasynyń birinshi orynbasary Ilıa Terenchenko, Parlament Senatynyń depýtaty Altynbek Nýhuly jáne jergilikti zııaly qa­ýym ókilderi men jýrnalıs­ter taǵzym taqtasyna gúl shoq­taryn qoıdy.

 

PAVLODAR

 

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar