О́kinishke qaraı, oblys basshylyǵy buǵan deıin resmı túrde arnaıy áleýmettik qyzmet kórsetý ortalyǵy dep atalyp kelgen mekemeni joıyp, 1938 jyly salynǵan eski ǵımaratty buzý týraly sheshim qabyldady.
Nátıjesinde 49 adam turaqty jumysynan aıyrylyp otyr. Osyǵan oraı, oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Gúlnar Ábenova bastaǵan jumys toby Qarabalyq aýdanyna baryp, medısınalyq-áleýmettik mekemeniń ujymymen kezdesti. Jıynǵa aýdan ákimi Rýslan Halyqov ta qatysty.
Jumyssyz qalǵandardyń ishinde sanıtarlar men medbıkeler, azpazdar, arnaıy áleýmettik qyzmet kórsetý ortalyǵynyń ózge de mamandary bar. Jıyn barysynda aýdan basshysy olardyń árqaısysynyń eńbekpen qamtylýyn tikeleı baqylaýyna alatynyn jetkizdi. Aýdandyq jumyspen qamtý ortalyǵynyń málimetinshe, qazir Qarabalyqta 72 jumys orny bos tur. Kezdesýge qatysqan jergilikti mekemeler men kásiporyndardyń basshylary da birinshi kezekte zeınet jasyna az qalǵan qyzmetkerlerge jumys usyndy.
Basqarma basshylarynyń aıtýynsha, atalǵan ınternat úıin qalpyna keltirý jáne budan ári qaraı ustap otyrý tıimsiz. О́rtten keıin medısınalyq-áleýmettik mekemede turyp jatqan 51 adam kórshiles aýdandarǵa kóshirilgen. Memleket qamqorlyǵyndaǵy qarttardyń kóbi Fedorov, Rýdnyı jáne Qarasý aýdandaryndaǵy áleýmettik mekemelerge ornalastyryldy. Al Qarabalyqtaǵy aýdandyq aýrýhanada jatqan ınternat úıiniń burynǵy turǵyndary emdeý mekemesinen shyqqannan keıin, Rýdnyı qalasyndaǵy №1 arnaıy áleýmettik qyzmet kórsetý ortalyǵyna ornalastyrylady.
Qostanaı oblysy
