Ol Jaıyq ózeniniń deńgeıi túsip ketkenin, tazartý jáne qalpyna keltirý jumystary birlesip atqarylatynyn aıtty.
«Árıne, árbir memleket óz múddesin kózdeıdi. Qazirgi tańda Reseı tarapynyń oıy da birlesip ózen men kólderdiń máselesin sheshý. Reseı ókilderi bizdi kinálaısyńdar degendi aıtýda. Menińshe, bul jerde qalyptasqan ahýalǵa baılanysty naqty sheshimder aıtyldy», dedi ol.
Sonymen qatar vıse-mınıstrdiń málimdeýinshe, klımattyq problema taralǵan aýmaqqa jáne Jaıyqtyń máselesin sheshý maqsatynda 100 mln teńge bólingen.
«Jaıyqtaǵy jaǵdaıdyń aldyn-alý úshin ózen boıyndaǵy kedergiler alynyp jatyr. Sonymen qatar sý mólsheri tapshy jerlerin qalpyna keltirý jumystary júrgizilýde. О́ńirge bólingen 100 mln teńge 2024 jylǵa deıin Atyraý men Oral aımaǵyna jumsalady», deıdi Ekologııa, geologııa jáne tabıǵı resýrstar vıse-mınıstri Serik Qojanııazov.
