Qoǵam • 28 Qazan, 2021

Qazaqstanda ushaqtar ushpaı qalýy múmkin

427 ret kórsetildi

Nursultan Nazarbaev halyqaralyq áýejaıynda avıaotynnyń tapshylyǵy sezilip, tipti turaqty jolaýshylar reısteri úshin de kompanııalardy avıakerosınmen qamtamasyz etý toqtatylady, dep habarlaıdy Egemen.kz.

Operatorlar sońǵy eki aıda áýejaıǵa 14 myń tonna kerosın jetkizýi tıis edi. Endi Air Astana-ny qospaǵanda, Qazaqstanda barlyq avıakompanııa problemaǵa tap boldy. Solardyń biri – SCAT kompanııasy avıasııalyq kerosın tapshylyǵy N. Nazarbaev áýejaıynda ǵana emes, respýblıkanyń basqa óńirlerinde de týyndap otyrǵanyn málimdedi.

«Elimizdiń úsh qalasynda jaǵdaı ýshyǵyp tur. Kompanııanyń Aqtaýdaǵy avıasııalyq otyn qory taıaýdaǵy tórt kúnge ǵana, al Aqtóbe men astana áýejaıynda eki kúnge jetedi», delingen SCAT kompanııasynyń habarlamasynda.

Belgili bolǵandaı, ushý tolyqtaı kestege sáıkes júrgiziledi. Biraq, búgin kompanııanyń áýejaılarda otyn qory bitýge taıaý.

Áýe kemeleriniń avıasııalyq kerosınge tapshy bolyp otyrýynyń sebebi óndirý kólemi edáýir tómendegen. Avıatasymaldaýshynyń qajetti normany tolyq ala almaǵany óz aldyna, áýe otynyna baǵa sharyqtap ketken. Kompanııanyń basyna túsken jaǵdaı áýe tasymaldaýshylarǵa tikeleı áser etetinin SCAT kompanııasy jasyrmaıdy.

«Eń jamany, ushý kestesiniń oryndalmaýymen qatar, bılet baǵasynyń aıtarlyqtaı qymbattaýyna ıaǵnı 40%-ǵa deıin ósýine alyp keledi. Saıyp kelgende, jolaýshylar zardap shegedi. Qazirgi ýaqytta sheteldik eksporttaýshylardan avıasııalyq otyn satyp alýdy da qamtamasyz etý múmkin emes. Jeke naryqtarda qajettilik aıtarlyqtaı joǵary. Qalyptasqan jaǵdaıda respýblıkanyń avıasııa naryǵynyń barlyq sýbektilerine avıasııalyq otyndy úzdiksiz jetkizý úshin Úkimettiń shuǵyl aralasýy talap etiledi», delingen habarlamada.

«Nursultan Nazarbaev halyqaralyq áýejaıy» AQ baspasóz hatshysy Ánýar Shalekenovtiń aıtýynsha, Qazaqstannyń iri resýrs ustaýshylary men jetkizýshileri avıaotyndy ýaqytyly jetkize almaı otyr, bul qazirgi ýaqytta áýejaıdyń óńirlik kólik toraby retinde qalypty jumys isteýine keri áserin tıgizýde.

«Qazir Reseı Federasııasynyń ónim jetkizýshileri birqatar sebepterge, onyń ishinde ishki suranystyń artýyna baılanysty Qazaqstanǵa avıaotyn jetkizýden bas tartty. Qarasha aıynda birde-bir jetkizýshi avıaotyn kólemin rastamady. Jańa kelisimsharttar boıynsha eń jaqyn aradaǵy jetkizý 15 qarashada bolýy múmkin. Biz júk reısterine janarmaı quıýǵa shekteýler engizdik jáne jaqynda olardy múldem qabyldamaýǵa májbúr bolamyz. Sodan keıin bul avıakompanııalardy Qazaqstanǵa keri qaıtara almaımyz», deıdi Ánýar Shalekenov.

Elorda áýejaıy men SCAT áýe kompanııasynyń avıaotyn jetispeýshiligine qatysty málimdemelerine baılanysty Indýstrııa jáne ınfraqurylymdyq damý mınıstrligi málimdeme jasady.

«Pavlodar munaı-hımııa zaýytynda jóndeý jumystaryna baılanysty avıa otynnyń ishki naryǵynda áýejaılar men áýe kompanııalary úshin avıakerosın óndirýge jáne qamtamasyz etýge baılanysty belgili bir qıyndyqtar bar.  Degenmen turaqty jolaýshylar jáne júk reısteri úzdiksiz qamtamasyz etildi. Energetıka mınıstrligimen birlesip, zaýyttardan, jeke kompanııalardan, «QazMunaıGaz-Aero» JShS-dan PMHZ jumysyn qaıta bastaǵanǵa deıin áýe kompanııalary men áýejaılarǵa otyn jetkizý kestesin ázirledi. Qazan aıynyń sońyna deıin munaı óńdeý zaýyttary eki myń tonna avıaotyn shyǵarady. Onyń ishinde Nur-Sultan qalasynyń áýejaıy úshin qosymsha otyn bólinedi. Sondaı-aq, SCAT áýe kompanııasyna Shymkent munaı óńdeý zaýytynan qosymsha avıakerosın jetkizý josparlanyp otyr», delingen mınıstrliktiń málimdemesinde.  

Mınıstrliktiń málimetinshe, elorda áýejaıynda 3,1 myń tonna avıakerosın bar. Jaqyn kúnderi 3,9 myń tonna (3 myń tonna – «QazMunaıGaz-Aero» JShS, 0,7 myń tonna – «Petrosan» JShS, 0,2 myń tonna – East fuel) jetkizý josparlanyp otyr. Almaty áýejaıyndaǵy otyn qaldyǵy – 5,4 myń tonna. Taǵy 4 myń tonna jóneltilgen. 5,8 myń tonnaǵa kelisimshart jasaldy.

«Air Astana áýe kompanııasynda 7,4 myń tonna, SCAT áýe kompanııasynda 1,7 myń tonna otyn qalǵan. 1,5 myń tonnaǵa kelisimshart jasaldy», delingen mınıstrlik málimdemesinde.

SCAT áýe kompanııasy joǵaryda týyndaǵan tapshylyqqa baılanysty baǵanyń óskenin de atap ótken edi. Mınıstrlik málimdemesinde áýe otynynyń qunyna qatysty pikir aıtylǵan joq.

Sońǵy jańalyqtar

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Mýngııanyń armany – Golovkın

Kásipqoı boks • Búgin, 10:35

QazUÝ-da Táýelsizdiktiń onkúndigi bastaldy

Táýelsizdiktiń 30 jyldyǵy • Búgin, 09:55

«Qyzyl» aımaqta qalǵan jalǵyz-aq oblys

Koronavırýs • Búgin, 09:50

Qazaqstanda qansha adam vaksına saldyrdy

Koronavırýs • Búgin, 09:45

1137 adam koronavırýs indetinen saýyqty

Koronavırýs • Búgin, 09:30

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Uqsas jańalyqtar