Qarashanyń 1-inen bastap «PMHZ» JShS barlyq ónim túrlerin qaıta shyǵara bastaıdy.
Osyndaı jumystardy júrgizý úshin qolaısyz klımattyq jaǵdaılarǵa qaramastan, zaýyt ujymy qoıylǵan mindetti josparlanǵan merzimnen buryn sátti oryndap shyqty.
Barlyǵy 933 birlik tehnologııalyq qubyrdyń, 19 birlik tehnıkalyq bý qubyrdyń jáne 300 birlik qural-jabdyqtyń tehnıkalyq kýálandyrylýy, revızııasy men saraptamasy júrgizildi.
Zaýytty jóndeý barysynda birqatar iri jumystar atqaryldy: munaıdy bastapqy óńdeý óndirisinde kolonna aýystyryldy, quramynda sýtegi bar gaz jelisi men sý qaınatqyshy jóndeldi, munaıdy tereń óńdeý óndirisinde peshterdiń gaz ótkizgishteri, transferlik jeli, qosarlanǵan jylý almastyrǵysh pen separatorlar aýystyryldy.
Munaıdy bastapqy jáne tereń óńdeý óndiristerinde bıiktigi 180 jáne 120 metr tútin murjalarynyń korrozııaǵa qarsy qorǵaý jumystaryn atap ótken jón.
Jóndeýge kásiporyn qyzmetkerlerinen bólek merdigerlik uıymdardyń 1241 jumyskeri jumyldyryldy. Jumystardyń durys uıymdastyrylýy, sondaı-aq zaýyt pen merdigerlik uıymdar ujymynyń qajyrly eńbegi joǵaryda atalǵan barlyq sharalardy oryndap, kásiporyndy merzimnen buryn iske qosýǵa múmkindik berdi.
Jóndeý kezinde atqarylǵan barlyq shara óndiris qaýipsizdigin laıyqty deńgeıde saqtap turýǵa, zaýyt shyǵaratyn munaı ónimderiniń sapasy men barlyq ekologııalyq kórsetkishterdiń saqtalýyna septesedi.
Eske sala keteıik, bıyl Pavlodar munaı-hımııa zaýytyn jóndeý merzimi úsh ret keıinge qaldyryldy.
