Úkimet • 28 Qazan, 2021

TMD elderiniń áleýmettik máselelerdi talqylandy

49 ret kórsetildi

Búgin onlaın rejımde TMD-ǵa qatysýshy memleketterdiń Eńbek, jumyspen qamtý jáne halyqty áleýmettik qorǵaý jónindegi konsýltatıvtik keńesiniń XXXIV otyrysy ótti, dep habarlaıdy Egemen.kz.

QR Eńbek jáne halyqty áleýmettik qorǵaý mınıstrliginiń basshylyǵy otyrysqa qatysýshylardy áleýmettik-eńbek salasyn jetildirý, áleýmettik ádilettilik pen laıyqty eńbekti qamtamasyz etý boıynsha qabyldanyp jatqan sharalar týraly habardar etti.

Is-shara barysynda TMD aýmaǵynda halyqty áleýmettik qamtamasyz etý salasyndaǵy normatıvtik-quqyqtyq bazany jaqsartý jáne qashyqtan jumys isteýdi retteý boıynsha aqparat pen tájirıbemen almasý múmkindigi máseleleri talqylandy.

Is-sharaǵa Ázerbaıjan, Armenııa, Belarýs, Qazaqstan, Qyrǵyzstan, О́zbekstan jáne Reseı Federasııasynyń salalyq mınıstrlikteriniń basshylary, Eýrazııalyq ekonomıkalyq komıssııanyń, Jalpyǵa birdeı kásipodaqtar konfederasııasynyń, Memleketaralyq statıstıka komıtetiniń, TMD Atqarýshy komıtetiniń jáne birqatar eldik uıymdardyń ókilderi qatysty.

Otyrysty Belarýs Respýblıkasynyń Konsýltatıvtik keńesiniń tóraǵasy, Eńbek jáne áleýmettik qorǵaý mınıstri Irına Kostevıch ashty. О́z sózinde ol TMD ókilderine otyrysqa qatysqany úshin alǵysyn bildirdi, sondaı-aq 2020 jylǵy 29 qazanda ótken Konsýltatıvtik keńestiń aldyńǵy, XXXIII otyrysynda qabyldanǵan sheshimderdiń oryndalý barysy týraly aıtty.

Osydan keıin 2020-2021 jyldary tóraǵalyq etken Belarýs Respýblıkasynan Qazaqstan Respýblıkasyna 2021-2022 jyldar kezeńine tóraǵalyq etý quqyǵyn berildi.

QR Eńbek jáne halyqty áleýmettik qorǵaý mınıstri Serik Shápkenov óz sózinde Konsýltatıvtik keńes jumysynyń joǵary sapasyn atap ótti, sondaı-aq bıyl TMD-nyń maqsattary men qaǵıdattaryn aıqyndaǵan Almaty deklarasııasyna qol qoıylǵanyna 30 jyl tolatynyn eske saldy.

«TMD – biregeı jáne ámbebap dıalog alańy, onyń aıasynda senim men ózara túsinistikti nyǵaıtýǵa, TMD keńistigindegi turaqtylyq pen qaýipsizdikti qoldaý jónindegi bastamalarǵa járdemdesýge baǵyttalǵan yntymaqtastyq damıdy», dedi mınıstr.

Serik Shápkenov Konsýltatıvtik keńestiń qatysýshylary tujyrymdamalyq qujattardy ázirleý boıynsha, eńbekti normalaý, kásiptik standarttar, jumys oryndaryndaǵy eńbek jaǵdaılary jáne basqa da salada úlken jumys júrgizgenin, al otyrystarda qabyldanatyn sheshimder TMD-ǵa qatysýshy memleketterdiń áleýmettik-eńbek qatynastary salasyndaǵy jumys tájirıbesine memleketaralyq deńgeıde qabyldanǵan qujattardy engizýge múmkindik beretinin atap ótti.

«Osy otyrys aıasynda biz covid-19 pandemııasyna baılanysty ózgeristerge qatysty birqatar ózekti máselelerdi, sonyń ishinde quqyq qoldaný praktıkasyn, qashyqtan jumys isteýdi retteý, eńbek qaýipsizdigi men eńbekti qorǵaýdy qamtamasyz etý boıynsha aqparat jáne tájirıbe almasýdy, onyń ishinde jazataıym oqıǵalardy tergep-tekserý máselesin qarastyramyz», dedi  S.Shápkenov.

Sońǵy jańalyqtar

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Mýngııanyń armany – Golovkın

Kásipqoı boks • Búgin, 10:35

QazUÝ-da Táýelsizdiktiń onkúndigi bastaldy

Táýelsizdiktiń 30 jyldyǵy • Búgin, 09:55

«Qyzyl» aımaqta qalǵan jalǵyz-aq oblys

Koronavırýs • Búgin, 09:50

Qazaqstanda qansha adam vaksına saldyrdy

Koronavırýs • Búgin, 09:45

1137 adam koronavırýs indetinen saýyqty

Koronavırýs • Búgin, 09:30

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Uqsas jańalyqtar