О́ner • 28 Qazan, 2021

Teńiz túısigi

133 ret kórsetildi

Bul – Jorj Braktyń jazdaǵy jan tolqyny. Kartınadan teńizdiń jupary ańqıdy. Jalǵyzdyqtan jaltaryp kete almaısyz. Aqıqaty osy. О́nerde bári ońasha. Sol aýyr da azapty jolda jumsaǵan ýaqytyńyzdyń qunyn osyndaı ǵajaıyp týyndylar óteıdi. Mine, kóńil merekesin teńizden tapqan sýretshiniń ǵajaıyby osynda. Teńizde de túısik bar. Senbeseńiz, «Estaktaǵy úıge» qonaqqa kelińiz!

Fransııadan shyqqan áıgili sýretshi Jorj Brak 1908 jyldan bastap óziniń ımpressıonızmge degen qumarlyǵynan jáne faýıstik stıldegi keıingi jumystarynan úzildi-kesildi bas tartty. Nege deısiz ǵoı!? Onyń kóńili Eýropa óneriniń basym tendensııalaryn kór­setetin revolıýsııalyq kýbızmge aýdy. Eń ǵajaby, ol osy stıl­de ózin tapty.

Aspan tústes teńizdiń tákap­par minezi jan kózesin shaı­qaıdy. Uıytqyǵan jelmen ar­palysqan aqjal tolqyndar jaǵaǵa baryp jan tapsyrady. Boıaýlar jalǵan ómirdiń jarshysyn­daı býyrqanady. Kózdiń mól­dir tamshysyndaı eziledi. Bul – momaqan Mar­­seldegi ejelgi Es­tak ja­ǵalaýy. Jo-joq, jaı ja­ǵalaý emes, sýretshi bit­ken­niń sú­ıikti mekeni.

Sýretshi J.Brak teńizge qyl­­qalamyn malyp, taǵdyr kó­rinisterin taspalaýǵa qushtar. Ol osy beısaý tynyshtyqtan beımálim lázzat alatyndaı áldebir án yrǵaǵyna boı jazady. Kýbızm ıdeıalarynan nár ala otyryp, jan tolǵanysyn jetkizedi. Sodan da bolar, ta­bıǵat peızajdary men qala taqyrybyna kelgende ózin qustaı erkin sezinedi.

Kartınada sheberdiń keńis­tik geometrııasyn qalaı qy­zyq­­taǵany jáne aldaǵy pers­pektıvalardyń qurylysyn muqııat zerttegeni anyq baıqa­lady. Avtor úıdiń árbir keskini úshin tekshe pishindi bas­ty detal retinde paıdalandy. Sýyq tústerdiń matasý ádisin qoldana otyryp, bulyńǵyr oılardan qashýǵa tyrysty.

Qum reńkti, úsh buryshty alasa ǵımarattar jaryqty sheber oınatýdyń nátıjesinde kenep betinde tegis kórinedi. Kartınanyń joǵary bury­shyndaǵy aǵash butaqtary men japyraqtar geometrııalyq ıl­lıýs­trasııa túzgen. Qyzyǵy, olar kompozısııalyq ortalyqta jı­naqtalǵan jáne sýrettiń shek­arasynan tys keńistikpen úılesedi.

Qylqalam sheberi Estak jaǵalaýynda ótken jazǵa arnap kýbızm stılinde alty se­rııaly kartına jazady. Alaıda bul shyǵarmalardy oqyr­man birden qabyldaǵan joq. Sýretshi muny eske­rip, tý­yndylaryn jeke kórme­si­niń alǵashqy sóresine jaıǵas­tyr­dy. Ondaǵy maqsat – kes­kin­demeniń jańa úlgisine kó­rer­mendi beıimdeý. Iаkı av­torlyq sheshimderdi radıkaldy túrde qabyldanýǵa daıyndaý.

«Estaktaǵy úı» kartınasy – kýbızmniń damýynda jáne ony basqa baǵyttaǵy synshylar men sýretshilerdiń moıyndaýynda mańyzdy ról atqarǵan týyndy. Sonysymen áıgili.

Sońǵy jańalyqtar

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Mýngııanyń armany – Golovkın

Kásipqoı boks • Búgin, 10:35

QazUÝ-da Táýelsizdiktiń onkúndigi bastaldy

Táýelsizdiktiń 30 jyldyǵy • Búgin, 09:55

«Qyzyl» aımaqta qalǵan jalǵyz-aq oblys

Koronavırýs • Búgin, 09:50

Qazaqstanda qansha adam vaksına saldyrdy

Koronavırýs • Búgin, 09:45

1137 adam koronavırýs indetinen saýyqty

Koronavırýs • Búgin, 09:30

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Uqsas jańalyqtar