Kásipkerlerge ınvestor tabýǵa múmkindik beredi

Bıylǵy jazda atalǵan qa­ýym­d­astyq jumys baǵytyn, ke­ńes múshelerin qaıta qarady. Bu­ryn keńes quramynda memle­ke­t­tik qyzmetkerler kóp bolsa, qazir oǵan bıznes, basqa da áleýmettik sala ókilderi enip otyr. О́ıtkeni aldaǵy ýaqytta bız­nesti, iskerlikti damytý qol­­ǵa alynbaq. Jańa baǵyttyń bir belgisi bolar, «Bolashaq» ókilderi qaýymdastyqtyń 20 jyldyǵy aıasynda Alawwal Partners kompanııasymen bir­l­esip, kásipkerlerge arnal­ǵan res­pýblıkalyq bıznes-jo­ba­lar baıqaýynyń besinshi maý­sy­mynyń bastalǵanyn jarııa­la­dy.

«Bolashaq» qaýym­das­ty­ǵy­nyń múshesi, kompanııanyń basqarýshy seriktesi Qanysh Tóleýshın: «Startup Bolashaq res­pýblıkalyq baıqaýy qazaq­stan­dyqtardyń bıznes bastamalaryn qoldaýǵa, sondaı-aq jumysyn jańa bastaǵan ká­sipkerlerdiń armandaryn oryn­daý­ǵa degen yntasyn oıatýǵa jáne damytýǵa baǵyttalǵan. Baı­qaýǵa Qazaqstannyń kez kel­gen azamaty qatysa alady. О́tinimder 22 qańtarǵa deıin qabyldanady. Jartylaı fınalıster Almatydaǵy demalys aımaǵynda jınalady. Onda bir apta bolady. Olardy qarjylyq modeldeý, bıznes-josparlaý, ınvestorlarmen kelissózder júrgizý boıynsha mamandar oqytady. Al daıyndyqtan soń óz jobalaryn «bıznes-perishteler» (jobany qoldaýshy nemese ınvestor) aldynda tanys­ty­rady. Aıta keteıik, jas erek­­shelikteri boıynsha shek­­teýler joq. Baıqaýdyń «bıznes-pe­rish­teleri» jobanyń 10 fı­na­­lısimen pıtch-sessııalar uıym­dastyrady. Eń qyzyqty ıdeıa­lardyń avtorlary ınves­tor­­lardan ınvestısııa alady», dedi.

Baıqaýdyń qorytyndysy bo­ıynsha, seriktesterden be­ri­le­t­in salym kólemi 10 mln teńgeden bastalady. Jobalardy qarjylaı qoldaýshy nemese ınvestorlardyń biri – belgili jýrnalıst Dınara Sátjan. Ol buǵan deıin jobanyń basynda mentor bolǵan. Onyń «shákirti» 5 jyl buryn birinshi maýsymnyń jeńimpazy atandy. Múgedektigine qaramastan, Alakólde erekshe qajettilikteri bar adamdar úshin demalys aımaǵyn ashý sııaqty armanyn júzege asyra aldy.

«Zor áleýeti bar ıdeıalar kóp, biraq olardy júzege asy­rý múmkin emes. Báriniń de bıznespen aınalysqysy kele­di, pandemııa kezinde biraz adam bıznestiń túr-túrin úıren­di. Mine, sondaı jandarǵa baı­qaý resýrstar usynady. Inves­tı­sııa kólemi 10 mln teńgeden bastalady. Meniń de «bıznes-perishte» bolǵym keledi, biraq sán ındýstrııasynda. Belsendi dızaınerlerdiń, jastardyń qatysqanyn qalaımyn, qol­daý kórsetýge daıynmyn. Sha­ǵyn bızneste áıelder kóp. О́ti­nim­der­diń 60%-y áıel­der­den kelip túsedi dep oılaımyn», dedi D.Sátjan.

Startup Bolashaq 5-maý­sy­mynyń konkýrsyna qa­ty­sýǵa ótinimderdi qa­byl­­­daý 20 qańtarǵa deıin jal­ǵa­sa­dy. Qujattar www.startup-bolashaq.kz saıtynda onlaın túr­de qabyldanady. Jeńim­paz­dar­dyń esimderi sáýir aıynda belgili bolady.